هەرمن ئەحمەد

کوردستان ژ هەشت پیتان پێک دهێت، هەر پیتەکا کوردستانێ بوویە سیمبولەکا بەرخودان، کوردایەتى، مەردایەتى، شۆڕش، راپەڕین و خۆنەچەماندنێ.

سەیرە! دوژمن و داگیرکەرێن کوردستانێ چەند مەزن و بهێزتر بن زێدەتر ژ ناڤێ هەبوونا کورد و کوردستانێ د ترسن ئەو ب وان هەمى مووشەک، فڕۆکە، چەک، جبەخانە ڤە هیشتا کەربێن وان ژ ناڤێ کورد و کوردستانێ و تا د گەهیتە زمانێ کوردى ژى ڤەدبن، ژبەر هندێ هەر جارەکێ ب شێوازەکى و ب رێکەکێ دڤێن ناڤێ کورد و کوردستانێ نەهێلن و ژێ ببەن، بەلێ ئەو د خەیالان دا دژین کورد گەلەک ژ وێ بهێزترە کو ب حەلن، کورد دەستان ژ ناڤ و ناسنامەیا خۆ و نشتیمانى خۆ بەرنادەن و ئامادەنە بۆ قوربانیدانەکا مەزن، ئەڤە ئەز کوردم و ل بەلژیکا دژین زێدەتر ژ نیڤا تەمەنێ خۆ دوورى کوردستانێ من بۆراندییە، بەلێ چ جاران بۆ یەک چڕکە ژى ئاخا خۆ من ژ بیر نەکریە و کوردستان هەمى گاڤان د دلێ من دا بوویە، ب لەش ل بەلژیکامە بەلی ب روح، دل و خەیالا خۆ ل کوردستانێ مە.

ئەوا د روودانێن نوکە دا من گەلەک ئازار ددەت ئەوە هندەک جاران مە گوهـ لێ دبیت هندەک ب گۆتێن نەجوان و دەستەواژەیێن شاش کۆمەلگەها کوردى و هەڤسۆز و هەڤنیشیمانێ مە هێرش ل سەر کورد و کوردستانێ و نشتیمانى دهێنەکرن و ب بیهیستنا وان گۆتنانان وەک کوردەک نە بتنێ تەریق دبن بەلکو نەفرەتان لێ دکەم و ئەز دبێژمە وان ئاخ و هەوا و ئاڤ و سروشتێ کوردستانێ بۆ وان جۆرە مرۆڤان حەرامە، ئەو نزانن داگیرکەر و دوژمن جوداهییێ د ناڤبەرا کوردەکى و کوردێ دى دا ناکەت و ئێدى بێ دەنگى و بێ هەلوەستى خیانەتە و حەتا ژیان مابیت ئەو ب ئێک چاڤ تەماشەیى هەمى کوردان دکەن.