گاڤ

ژبەر بەلاڤبوونا ڤیدۆیەکا ڤەهاندنا کەزییێ ل ناڤا یاریگەها وێ، ئێکەتییا تەپاپێ یا تورکیا ژبەر کەزییێ یانەیا ئامەد سپۆر سزادا.

 لژنەیا دسپلینێ یا ئێکەتییا تەپاپێ یا تورکیا ب 18 هزار دۆلاران یانەیا ئامەد سپۆر سزادا هەڤدەم ناهید ئەرەن، ژی سەرۆکێ یانەیێ ژی 15 رۆژان ژ چالاکییێن وەرزشی دویرکر.

ل هەمبەر دا یانەیا ئامەد سپۆر ژبەر سزایێ ل سەر هاتییە سەپاندن هاتە دەنگ و راگەهاند؛ ئەڤە گرانترین سزایە د دیرۆکا وەرزشی یا تورکیا دا بناڤکریە و گۆتییە دێ بەرگریێ ژ مافێن خۆ کەن خواست رێگری ل دەستوەردانێن سیاسی بهێتە کرن

هەروەسا گۆتییە ژی: ئەڤ ڤیدیۆیە ل 22ێ مەها بۆری هاتییە تۆمارکرن مەرەم ژێ بەرگریکرن بۆ ژ مافێن ژنان، ئەڤ سزایە بۆ ئێخستنا فشارێ یە ل سەر یانێ ژبەر ئەنجامێن وێ و گرتنا سەرێ رێزبەندییا خۆلا پلە ئێک.

یانەیا ئامەد سپۆر نوکە ل سەرێ رێزبەندییا خۆلا پلە ئێک یا تورکیا دهێت، ئەگەر ل سەر ئەنجامێن خۆ یێن باش یا بەردەوام بیت بۆ وەرزێ بهێت دێ دەربازی سوپەر لیگا تورکیا بیت.