گاڤ

 رۆژنامەیا ریکۆرد یا پۆرتۆگالی بەلاڤکر: ژ بەر سندۆقا وەبەرهێنانانا سعوودی، رەنگە کریستیانۆهزرێ د هێلانا یانەیا نەسر دا بکەت.

شڤێدی کریستیانۆ رۆنالدۆی پشکداری د یارییا یانەیا خۆ دا بەرامبەر یانەیا ریاز دا نەکرد، یا کو تێدا یانەیا وی ب ئەنجامێ گۆلەکێ بەرامبەر چنە ب سەرکەفتی، ئەڤەژی وەکو نەرازیبوونەک بەرامبەررەفتارێن سندۆقا وەبەرهێنانا سعوودی د پرسا ڤەگوهاستنا یاریزانان بۆ یانەیان دا.

رۆنالدۆ گەهشتییە وێ باوەرییێ کو تەنێ ئاسانکاری بۆ یانەیا هیلال دهێنە کرن، ب تایبەتی کو ژ سالا 2023ێ وەرە هیلال ب رێژەیەکا مەزن پارە ژ یانەیێن نەسر، ئتیحاد و ئەهلی مەزاختینە.

دەربارەی وێ یەکێ رۆژنامەیا ریکۆرد یا پۆرتوگالی بەلاڤکریە کو کریستیانۆ هەست دکەت کو پێدڤیبوو پتر رێز لێ هاتبایە گرتن، ب تایبەتی کو بوویە ئەگەرێ هندێ کو خۆلا سعوودی بچیتە ئاستەکێ بلندتر و یاریزانێن زێدەتر قەستا وێ خولێ بکەن، زێدەباری هندێ ژی سندۆقا وەبەرهێنانا سعوودی ئاستەنگان بۆ گرێبەستێن یانەیێ دروست دکەت نەڤێت ئەو ناسناڤێ خۆلا سعوودی ببەن.

وەکی رۆژنامێ بەلاڤکری، پشتی ڤان رویدانان و چوونا کەریم بنزیمای بۆ یانەیا هیلال، ئەگەر هەیە کریستیانۆ هزرێ د هێلانا یانەیا نەسر بکەتەڤە، ل ئەمریکا و ئەورۆپا بۆن بۆ هاتینە هەروەسا بەندەک د گرێبەستا وی دا هەیە کو ل هاڤینا 2026ێ یاریزان دشێت بەرامبەر 50 ملیۆن یۆرۆیان گرێبەستا خۆ ب هەلوەشینیت.