گاڤ

پەرلەمانتارەکێ ئیراقێ تایبەت بۆ گاڤ راگەهاند، جڤاتا وەزیرێن ئیراقێ بریارا هنارتنا مووچەیێ مەها کانوونا دویێ یێ مووچەخۆرێن هەرێمێ دا.

سێشەمبییێ 3ێ شوباتێ 2026ێ، بناس دۆسکی پەرلەمانتارێ پارتی دیموکراتی کوردستان بۆ خۆلا شەشێ تایبەت بۆ گاڤ راگەهاند، کۆمبوونا جڤاتێ ئەڤرۆ هاتە برێڤەبرن و تێدا دانوستاندن ل دۆر چەندین پرسان ب تایبەتی پشکا هەرێمێ و داهاتێن نەپەترۆلی هاتییە کرن.

دۆسکی بۆ گاڤ هەروەسان گۆت: رازەمەندی ل دۆر خەرجکرنا مووچەیێ مەها کانوونا دویێ یێ مووچەخۆرێن هەرێما کوردستانێ هاتە دان.

ئەڤە د دەمەکی دا یە ل گۆرەیی زانیارییێن گاڤ دکۆمبوونێ دا، بریار هاتە دان راپۆرتەک ژ ئالییێ لیژنیەکا هەڤپشک ژ دیوانا چاڤدێری یا فیدرال و هەرێما کوردستانێ بهێتە بەرهەڤکرن، هەر د کۆمبوونێ دا تەکەز هاتییە کرن هنارتنا مووچەیی بۆ هەرێمێ دێ بەردەوام بیت.