گاڤ

ئەڤرۆ چارچۆڤێ هەماهەنگییێ دێ کۆمبوونەکا چارەنڤیسساز کەت و ئێک ژ مژاران دانوستاندنێن ل گەل پارتى و ئێکەتییێ یە و دێ چارەنڤیسێ نوورى مالکى ژى ئێکلا کەت.

رۆژنامەیا سەباح تەوەرێن کۆمبوونێ دیاردکەت و رادگەهینیت، ئەڤرۆ چارشەمبێ 4-2-2026ێ چارچۆڤێ هەماهەنگییێ دێ کۆمبوونەکا چارەنڤیسساز کەت و رادگەهینیت، بڕیاردان ل سەر نوورى مالکى بۆ پۆستێ سەرۆکوەزیران ئێک ژ خالێن هەرە گرنگە.

هەروەسا ئاشکراکریە، ئەنجامێن سەرەدانا شاندێ چارچۆڤەیى بۆ هەرێما کوردستانێ و دانوستاندنێن ل گەل پارتى دیمۆکراتى کوردستان و ئێکەتییا نشتیمانى یا کوردستانێ دێ هێنە بەحسکرن.

ل گۆرەیى رۆژنامێ دیتنێن جودا د ناڤا هەڤپەیمانییێ دا هەیە و هێشتا بڕیارا دویماهییێ ل دۆر چارەنڤیسێ سەرۆکوەزیران نەهاتییە دان.

دۆنالد ترەمپ، سەرۆکێ ئەمریکا د پەیامەکێ دا هەلبژارتنا نوورى مالکى بۆ پۆستێ سەرۆکوەیزران ب خالەکا گەلەک خراب وەسفکریە و گەف کرینە هاریکارییا ئیراقێ نەکەت ئەگەر مالکى ببیتە سەرۆکوەزیر.

چارچۆڤێ هەماهەنگییێ 24ى مەها بۆرى ب پڕانییا دەنگان نوورى مالکى وەک بەربژارێ ئێکلاکەر بۆ پۆستێ سەرۆکوەزیران هەلبژارت.