گاڤ

ترەمپ و سەرۆکێ کۆلۆمبیا ل کۆچکا سپی کۆمبوون، سەرۆکێ کۆلۆمبیا گۆت؛ بازرگانێن سەرەکی یێن ماددەیێن هشبەر نە ل ناڤ دارستانانە، بەلکو ل دوبەی، مەدرید و مەیامی دژین.

دۆنالد ترەمپ، سەرۆکێ ئەمریکا و گوستاڤۆ پێترۆ، سەرۆکێ کۆلۆمبیا ل کۆچکا سپی کۆمبوون و پرسا بەرهنگاربوونا ماددەیێن هشبەر گۆتۆبێژکرن کۆمبوون بۆ دەما دو دەمژمێران ڤەکێشا سەرۆکێ کۆڵۆمبیا گۆت؛ بازرگانێن سەرەکی یێن ماددەیێن هشبەر نە ل ناڤ دارستانانە، بەلکو ل دوبەی، مەدرید و مەیامی دژین.

دەربارەی قاچاخییا ماددەیێن هشبەر ل کۆلۆمبیا، گوستاڤۆ پێترۆ راگەهاند؛، پێدڤیە سەرکردەیێن مافیایێن دروست ببنە ئارمانج و گۆت ژی، باوەری هەیە خۆ د ناڤەندێن هەوالگری یێن ئەمریکا و کۆلۆمبیا ژی دا، هوسا دزانن سەرکردە ئەو کەسن یێن ل ناڤ دارستانان جلکێن سەربازی ل بەر و چەک د دەستان دا.

ئاماژە ب وێ چەندێ ژی کر: ئەو کەسە تەنێ پلە دو و پلە سێنە و راگەهاند؛ ئاژانسێن ئەمریکا وان دنیاسن و وی ب خۆ ناڤێن وان داینە سەرۆک ترەمپی.

ئەڤ دیدارە ل دەمەکێ دایە، بەری چەندین حەفتیان ترەمپی گەفێن کریارێن سەربازی دژی کۆلۆمبیا کربوون و پێترۆ ژی

تۆمەتبارکربوو ب رەوانەکرنا کۆکاینێ بۆ ئەمریکا.