گاڤ

سەرۆک بارزانی د پەیامەکێ دا سوپاسییا خەلکێ کوردستانێ دکەت، بۆ هاریکاریکرنا خەلکێ رۆژئاڤا.

سەرۆک بارزانی د پەیامەکێ دا نڤێسییە؛ سوپاسییا دلسۆزییا خەلکێ خۆشتڤی یێ کوردستانێ دکەم کو هاریکاری بۆ خویشک و برایێن مە ل رۆژئاڤایێ کوردستانێ کۆمکرینە، ئەڤ هەلویستێ مێژووی جهێ شانازی و سوپاسییێ یە.

سەرۆکی گۆتییە ژی: سوپاسییا دەزگەهێ خێرخوازی یێ بارزانی و هەمی رێکخراو و ئالی و کەسایەتییێن میدیایی دکەم کو رۆل بۆ کۆمکرنا هاریکاری و پێدڤییان بۆ خویشک و برایێن مە ل رۆژئاڤا.

ئاماژە ب وێ یەکێ ژی کریە: بزاڤ و ماندیبوونا وان بلند دنرخینم، ئەرکەکێ نەتەوەیی و نشتیمانی ب باشترین رەنگ ئەنجام دا، بێگۆمان ئەڤ هەلویستە دێ کاریگەرییێ ل سەر بلندبوونا هەستێ نشتیمانپەروەری و هشیارییا نەتەوەیی کەت.

ل دویماهیی سەرۆک بارزانی گۆتییە:  خەلکێ کوردستانێ جارەکا دی ئەو راستییە بۆ هەمی جیهانێ دوپاتکر کو گەلێ کوردستانێ د خۆشی و نەخۆشییان دا هەڤپشک و هەڤخەم و پشت و پەنایێن هەڤدو نە.