سوودانی لژنەیەک بۆ ئێکگرتنا باجێ ل گەل هەرێما کوردستانێ پێکئینا
بەلاڤ بکە
گاڤ
محەمەد شیاع سوودانی ئەڤرۆ کۆمبوونەک ل گەل لژنەیا بلندا چاکسازییا باجێ کر و لژنەیەک بۆ ئێکگرتنا باجێ ل گەل هەرێما کوردستانێ پێکئینا.
ل گۆرەی راگەهاندنەکا نڤیسینگەها سەرۆکوەزیرێ ئیراقێ، د کۆمبوونێ دا بەحس ل میکانزما ئێکگرتنا رێکارێن تایبەت ب هەژمارکرنا باجێ (التحاسب الضريبي) هاتە کرن، و ئەو ئاستەنگێن سەرەکی یێن کو دهێنە هەمبەر کۆمپانییان د بوارێ باجێ دا، زێدەباری بەحسکرنا هویربينییا یاسایا (هەژمارکرنا باجێ) کو دکەڤیتە د ناڤ بەرنامێ چاکسازیا باجێ یێ حکومەتێ دا.
هەروەسا د کۆمبوونێ دا پرسا ئێکگرتنا رێکارێن باجێ د ناڤبەرا هەرێما کوردستانێ و وەزارەتا دارایی یا فیدرالی هاتە بەحسکرن، ل گەل پرسا (باجا دوئالی) یا ناڤخۆیی، و دیتنا چارەسەریێن یاسایی و رێکارێن کارا بۆ چارەسەرکرنا وێ.
هەروەسا بریارا پێکئینانا لژنەیەکێ ژ (وەزارەتا دارایی و دەستەیا باجێ) دا بۆ دانوستاندنان ل گەل هەرێما کوردستانێ ، دا کو بگەهنە قویناغێن پێشکەفتی د ئێکگرتنا رێکارێن باجێ دا.
