بلۆمبێرگ هوشدارییەکا توند یا ئەمریکا بۆ ئیراقێ ل دۆر مالکی ئاشکرا دکەت
بەلاڤ بکە
گاڤ
رۆژنامەیا بلۆمبێرگ یا ئەمریکی: ئەگەر مالکی ببیتە سەرۆکوەزیر ئەمریکا دێ دەست ب سەر داهاتێ پەترۆلا ئیراقێ دا گریت
رۆژنامەیا بلۆمبێرگ هوشدارییێن ئەمریکا بۆ ئیراقێ ئاشکرا دکەت و راگەهاند: هێشتا بابەتێ داهاتێ پەترۆلا ئیراقێ د دەستێ ئەمریکا دایە. بەرپرسێن ئەمریکا ب ئاشکرایی هوشداریی ل دۆر هەلبژارتنا نووری مالکی دایە ئیراقێ. ئەگەر مالکی ببیتە سەرۆکوەزیر، ئەمریکا دێ داهاتێ پەترۆلا ئیراقێ راگریت.
پێشتر دۆنالد ترەمپ، سەرۆکێ ئەمریکا بتنێ گەفێن دۆلاری ل ئیراقێ کربوون ئەگەر مالکی ببیتە سەرۆکوەزیر، مالکی ژی دو جاران بەرسڤا ترەمپی دایە و هەردو جاران رژدیا خۆ ل سەر بەربژاربوونێ دیارکرییە و دبێژیت، ترەمپی ل سەر بنەمایێ زانیارییێن شاش ئەو بریارە دایە و ئەو خۆ ناڤەکێشیت.
پرانییا ئەندامێن چارچووڤەیێ هەماهەنگییێ پشتەڤانییا مالکی دکەن، لێ دەنگێ نەرازی ژی هەیە، بریارە ئەڤرۆ کۆمبوونەکا ئێکلاکەر و چارەنڤیسساز ل دۆر مالکی بکەن.
