گاڤ

سەرۆکوەزیر مەسروور بارزانی و سوهەیل مەزروعی، وەزیرێ وزە و ژێرخانەیا ئیماراتێ، ل سەر بهێزکرنا پەیوەندییێن هەردو دو قۆلی د بیاڤێن ژێرخانەیێ و وزەیێ دا رێککەفتن، ب تایبەتی کارەبێ،و د ڤی بیاڤی دا ب گرنگی ئاماژە ب پرۆژەیێ 'رووناکی' هاتە کرن.

چارشەمبییێ 4ێ شوباتێ 2026ێ، مەسروور بارزانی، سەرۆکوەزیرێ هەرێما کوردستانێ، د چارچۆڤەیێ دیدارێن خۆ دا ل گۆپیتکا جیهانی یا حکومەتان ل دوبەیی، ل گەل سوهەیل مەزروعی، وەزیرێ وزە و ژێرخانەیا ئیماراتێ کۆمبوو.

ل گۆرەیی بەیانا سەرۆکوەزیرێ هەرێما کوردستانێ، د دیدارێ دا هەردو ئالی ل سەر بهێزکرنا پەیوەندییێن دناڤبەرا خۆ دا د بیاڤێن ژێرخانەیی و وزەیێ و ب تایبەتی کەرتا کارەبێ رێککەفتن. د ڤی بیاڤی دا ب گرنگی ئاماژە ب پرۆژەیێ 'رووناکی' و دابینکرنا کارەبا 24 دەمژمێری ل هەرێما کوردستانێ هاتە کرن.

هەروەسان وەزیرێ وزە و ژێرخانەیا ئیماراتێ، بەرهەڤییا وەلاتێ خۆ بۆ هەر جۆرە هاریکارییەکێ دیارکر.