گاڤ

دەنگۆ  و نووچە ل سۆشیال میدیا و میدیایێن فەرمی بەلاڤبووینە کو ئاڤاهییێ بالیۆزخانەیا ئیراقێ ل کۆریا باشۆر ب سترانبێژەکا بەرنیاس هاتییە فرۆشتن و وەزارەتا دەرڤە یا ئیراقێ رەت دکەت.

میدیایێن کۆریا باشۆر راگەهاند کو تیما دپلۆماسی یا ئیراقێ ئاڤاهییێ بالیۆزخانەیا خۆ ل سیۆلێ ب بهایێ 13.8 ملیۆن دۆلارا فرۆشتییە ژێنی کیم، سترانبێژ و ئەنداما گرۆپێ بلاک پینک.

میدیایان دیارکرییە کو پارە ژی ب کاش هاتییە دان و نوکە ئەو ئاڤاهییە ل سەر ناڤێ وێ سترانبێژا کۆری یە.

وەزارەتا دەرڤە یا ئیراقێ ئەڤرۆ سپێدێ رۆنکرنەک بەلاڤکر و تێدا هاتییە: ئەو نووچە و دەنگۆییێ بەحس ل فرۆشتنا ئاڤاهییێ بالیۆزخانەیێ دکەن دویرن ژ راستییێ. ئیراقێ چ ئاڤاهی وەک مولک ل سیۆل نینە و تیما دپلۆماسی ژی ب کرێ د ئاڤاهییەکێ دا کارێ خۆ دکەن.