گاڤ

وەزیرێ دەرڤە یێ ئەمریکا بەری دەستپێکرنا کۆنگرەیێ میۆنشن یێ ئاسایشێ بۆ رۆژنامەڤان ئاخفت و ئاماژە دا وێ یەکێ کو سەردەمێ جیهانا کەڤن نەمایە و نوکە سەردەمەکێ نوی دەستپێدکەت.

مارکۆ رۆبیۆ، وەزیرێ دەرڤە یێ ئەمریکا بۆ رۆژنامەڤانان گۆت: جیهان بلەز یا ل بەر چاڤێن مە دهێتە گۆهوڕین، سەردەمێ جیهانا کەڤن نەما، نوکە ئەم یێ د سەردەمەکێ نوی یێ جۆگرافیا سیاسی دا دژین.

هەروەسا گۆت: لەزاتییا ڤان گۆهوڕینان حکومەتان و هەڤپەیمانان نەچار دکەت دوبارە بەرێ خۆ بدەنە ڤان گۆهوڕینان و رۆلێ خۆ تێدا بزانن. دانوستاندنێن ڤان گۆهوڕینان نوکە یێ ب نهێنی دهێنەکرن، تایبەت ل گەل هەڤپشکێن مە.