گاڤ

ئەردۆگان و سوودانى ب رێکا تەلەفوونێ ئاخفتن و چەندین تەوەرێن گرنگ بەحسکرن، ژ وان ژى پاراستنا ئارامى و سەقامگێرییێ ل ناوچێ.

نڤیسینگەها محەمەد شیاع سوودانى، سەرۆکوەزیرێن ئیراقێ راگەهاند، رەجەب تەیب ئەردۆگان، سەرۆککۆمارێ تورکیا پەیوەندى ب محەمەد شیاع سوودانى، سەرۆکوەزیرێن ئیراقێ کریە و چەندین تەوەرێن گرنگ بەحسکرینە.

تەوەرێن کۆمبوونێ:

• هەڤکارییا هەڤپشک د هەمى واران دا
• رێکا گەشەپێدانێ یا ستراتیژى
• گرنگییا ئابۆرى و وەبەرهێنانێ
• لێکگوهارتنا بازرگانى د ناڤبەرا هەر دو ئالییان دا
• هەڤکارییا هەڤشک بۆ نەهێلانا تیرۆرێ
• کارکرن بۆ بەرقرارکرنا سەقامگێرییێ ل دەڤەرێ
• ڤەگەڕیان بۆ چارەکرنا کێشەیان ب ئاشتیانە
• دویرکرنا دەڤەرێ ژ ئالییزیان و دروستبوونا شەڕان

هەڤکارییا هەڤشک د ناڤبەرا هەر ئێک ژ وەلاتێن ئیراقێ و تورکیا دا ب خالەکا گرنگ یا کۆمبوونێ دایە دیارکرن و چەندین بابەتێن هەوالگێرى ژى بەحسکرینە.

پێشتر وەزیرێ دەرڤە یێ تورکیا هۆشدارى دابوو ئیراقێ کو رەوشا وى وەلاتى وەک یا سووریایە و حکومەتا ئیراقێ ژى ب توندى بەرسڤا هاکان فیدان دابوو و گۆتنێن وى ب دەستوەردان د کاروبارێن ناڤخۆ یێن ئیراقێ دا بناڤ کربوون.