گاڤ

ئه‌ڤرۆ ئێڤارى ته‌رمێ ژنه‌كێ د رویبارێ زێیێ مه‌زن دا ل سنورێ قه‌‌زا به‌رده‌ڕه‌ش هاته‌ دیتن.

په‌یامنێرێ گاڤ، شكێران زێبارى دا زانین، ئه‌ڤرۆ ده‌مژمێر 3ى ئێڤارى،پۆلیسێن بنگه‌هێ كه‌له‌ك هاتینه‌ ئاگه‌هداركرن، كو ته‌رمێ  ژنه‌كا نەنیاس دناڤا رویبارێ زێیێ مەزن دناڤبەرا گوندێ هنجیروك و کومەلگەها بشێریان دا هاتییه‌ دیتن.

په‌یامنێرێ گاڤ دا زانین، ته‌رمێ وێ ژنێ ژ لایێ  تیمێن نقومڤانێن بەرگرییا باژێڕڤانییا خەبات و بنگەهێ پولیسێن خەبات  ژ رویباری هاتییه‌ ده‌رخستن و  ولدویڤ ڤەکولینێن دەستپێکی دیاربوویه‌، لاشێ ژنه‌كێ یه‌ و جلوبەرگێن کوردی لبەرن، لێ ژبەرکو لاشێ وێ تێکچوویە تا نها، ناڤ و تەمەنێ وێ نه‌هاتینه‌ زانین.

پشتى ده‌رخستنا ته‌رمێ وێ ژنێ، بۆ نوشدارییا داد یا هه‌ولێرێ هاتییه‌ ڤه‌گوهاستن بۆ زانینا ئه‌گه‌رێن ل پشت مرنێ.

هه‌روه‌سا ب فەرمانا دادوەرێ ڤەکولینا بەردەرەش و لدویڤ بەندێ "٤٠٦ ی.س" ل بنگەهێ پولیسێن کەلەك دۆز بۆ تاوانێ هاتیە ڤەکرن و ڤەکولین بەردەوامە.