گاڤ

ل گۆره‌ى راپرسییه‌كا نوى یا رۆژنامه‌یا  "پۆلیتیکۆ" كو ڤان رۆژان هاتیه‌ كرن، رێژه‌یه‌كا مه‌ز ژ وه‌لاتییێن رۆژئاڤا هزر دكه‌ن، د 5 سالێن بهێن دا دێ سێیه‌م جه‌نگا جیهانى روى ده‌ت.

ئەڤ راپرسییە ژ لایێ سازییا "Public First" ڤە هاتییە كرن و ١٠ هزار و ٣٠٠ کەس ل وەلاتێن (ئەمریکا، کەنەدا، بریتانیا، فرەنسا و ئەلمانیا) تێدا پشكدار بووینه‌. ئەنجام نیشان ددەن کو دلگرانى ب هەڤبەرکرن دگەل سالێن بوری ب ره‌نگه‌كێ دراماتیکی زێده‌بووینه‌.

ل گۆره‌ى راپرسییێ كو  %٤٦ پشکدارێن وێ ئه‌مریكینه‌، بریتانیى و فرەنسى %٤٣ یێ پشکداران. ئەلمانیى %٤٠ پشكدارن، هه‌مى هزر دكه‌ن جیهان به‌ر ب هەڤرکییەکا ترسناك دچیت. ئەگەرێ سەرەکی یێ ڤێ ترسێ ژی بۆ بەردەوامبوونا جەنگێ رۆسیا و ئۆکرینا، و ئۆپەراسیۆنێن سەربازی یێن ئەمریکا ل (ئێران، سووریا، ڤەنزوێلا و ئەفریقیا) ڤه‌دگه‌ڕیت، کو چو ئاسۆیەکێ روون بۆ ب دویماهیهاتنا وان ناهێتە دیتن.

سێب راید، سه‌رپه‌رشتێ راپرسییێ دبێژیت: ئەڤە گوهۆڕینەکا مەزنە د نێرینا گشتی دا؛ جیهان نها وەک جهەکێ نه‌ئارام دهێتە دیتن و هەڤپەیمانی د لەرزۆکن".