گاڤ

ل میونشن، مەزلۆم عەبدی و وەزیرێ دەرڤە یێ سعودییێ کۆمبوون و ریاز پشتەڤانییا خۆ بۆ بجهئینانا رێککەڤتنامەیا 29ی کانووینا دوویێ دوپات كر.

ل دویڤ داخۆیانییا هێزێن سوورییا دیمۆکراتى "هه‌سه‌دێ" ل پەراوێزا کۆنفرانسێ ئاساییشا میونشن 2026، مەزلۆم عەبدی، فەرماندەیێ گشتی یێ هێزێن سوورییا دیمۆکراتى دگەل فەیسەل بن فەرحان، وەزیرێ دەرڤە یێ سعودیێ کۆمبوو.

د كۆمبوونێ دا، سعودییێ بەرهەڤییا پشته‌ڤتانییا خۆ د هه‌مى وان خالان دا كو سوورى لسه‌ر كۆكن نیشان دا. هەروەسا پشتەڤانییا خۆ بۆ پرۆسه‌یا تێكهه‌لبوونا نیشتمانی و بجهئینانا رێککەڤتنامەیا 29ی کانووینا دوویێ دوپاتکر.

ژ لایێ خۆ ڤە، مەزلۆم عەبدی سوپاسییا رۆلێ سعودیێ د پشتەڤانیکرنا سوورییێ دا كر، ب تایبەتی د پشتەڤانیکرنا بزاڤێن راکرنا سزایان و ئاسانکاری بۆ پرۆسه‌یا رێککەڤتنێ.