گاڤ

وەزارەتا داد یا ئیراقی، رەگەزنامەیا وان تیرۆرستان ئاشکرا کر کو ژ سووریێ هاتینە ڤەگوهاستن بۆ عیراقێ و ژ نێزیکی 6 هزارنە، ب تنێ 467 ژ وان ئیراقینە.

محەمەد لەعیبی، پەیڤدارێ وەزارەتا داد یا ئیراقێ راگەهاند: زیندانییێن ژ سووریێ بۆ ئیراقێ هاتینە ڤەگوهاستن یێن 61 وەلاتانە، سەرجەم گەهشتیە پێنچ هزار و 703 کەسان، 4 هزار و 253 کەس ژ وان عەرەبن و 983 کەس ژ وان بیانی نە. 3 هزار و 543 کەسان سووری نە و ژمارەیا ئیراقیان گەهشتیە 467 کەسان.

گۆت ژی، د زیندانا ناڤەندی یا کەرخێ دا، هۆل هاتینە نۆیژەنکرن و تیرۆرست ب بکارئینانا وان داتایان کو ژ ئالییێ هەڤپەیمانییا نێڤدەولەتی ڤە هاتییە پێشکێشکرن بۆ ئیراقێ، هاتینە پۆلینکرن، کو ژ کەنەدا، ئەمریکا، بریتانیا، ئوکراینا، هندستان، ئوسترالیا، بەلجیکا، جۆرجیا و دانیمارکێ پێکدهێن.

ئاماژە ژی کریە: پترین ژمارە ژ ڤان وەلاتان هاتینە، مەغرب 187، تورکمانستان 165، تورکیا 181، توونس 234، رۆسیا 130، مسر 116.