گاڤ

سەرکردەیەکێ رێکخستنا بەدر راگەهاند، ب درێژاهییا سنۆرێ ئیراقێ ل گەل سووریا هێزێن ئیراقى بەلاڤکرینە و حەشدا شەعبى ژى ل گەلە.

پشتى حکومەتا نوى ل سووریا حکوم گرتییە دەست، مەترسى نێزیکى سنۆرێن ئیراقێ بوو، ئیراقێ ژى هێز برە سنۆرێن خۆ ل گەل وى وەلاتى.

ئەڤرۆ ئێکشەمبێ محەمەد مەهدى بەیاتى، سەرکردەیێ رێکخستنا بەدر گۆت: هێزێن ئیراقى ب درێژاهییا سنۆرێ ئیراق و سووریا هاتینە بەلاڤکرن و د ناڤا وان دا حەشدا شەعبى ژى هەیە.

وى سەرکردەیى دیارکر، هێزێن وان ل گەل سوپایێ ئیراقێ ل چ جهێن سنۆرى نە کەفتینە د حالەتێ ئامادەباشییێ دا.

ل گۆڕەیى بەیاتى هێزێن وان ژى ل بیابانێن ئەنبارێ بنەجهن و هێزێن ئیراقى ل سنۆرێ دناڤبەرا ئیراق و سووریا دا ژ بەر مەترسییا داعشێ تا نوکە ل وى جهى ماینە.