گاڤ

سەرۆکێ هەرێما کوردستانێ ل گەل وەزیرا کاروبارێن ئابۆرى و تێهنێ یا حکومەتا ئەلمانیا کۆمبوو و خواستا کوردستانێ بۆ مفا وەرگرتن ژ ئەزموونا ئەلمانیا د وارێ ئابۆر و تێهنێ دا نیشان دا.

کۆنفرانسێ ئاساییشێ یێ میۆنشن بۆ دەما سێ رۆژانە بەردەوام و بۆ دەما دو رۆژانە سەرۆکێ هەرێما کوردستانێ ل وى کۆنفرانسى دەهان کۆمبوونێ گرنگ کرینە و دنیابینیا هەرێما کوردستانێ بۆ دەهان سەرکردە و وەزیرێن دەرڤە و بەرگرییێ یێن وەلاتان نیشان دایە.

ل گۆڕەیى سەرۆکایەتییا هەرێما کوردستانێ نیچیرڤان بارزانى، سەرۆکێ هەرێما کوردستانێ و کاترینا رایشە، وەزیرا کاروبارێن ئابۆرى و تێهنێ یا حکومەتا ئەلمانیا کۆمبوون و بەرفرەهکرنا پەیوەندیێن ئابۆرى یێن ئەلمانیا ل گەل هەرێم و ئیراقێ هاتنە بەحسکرن و هاندانا سەرمایەدار و وەبەرهێنەرێن ئەلمان د وارێن جودا دا خواستا هەر دو ئالیان بوو.

ژ ئالییێ خۆ ڤە سەرۆک نێچیرڤان بارزانى سوپاسییا پشتەڤانییا بەردەوام یا ئەلمانیا کر و خواستا هەرێمێ بۆ مفا وەرگرتن ژ ئەزموونا ئەلمانیا د وارێ ئابۆرى و تێهنێ دا

ل گۆرەیى سەرۆکایەتییا هەرێمێ دهێتە چاڤەڕێکرن ئەڤرۆ ژى سەرۆکێ هەرێما کوردستانێ چەندین کۆمبوونێن گرنگ بکەت، کو ئێک ژ وان ل گەل مەزلووم عەبدى، فەرماندارێ هێزین سووریا دیمۆکرات هەسەدێ یە.