ناڤەڕۆکا کۆمبوونا سەرۆک نێچیرڤان بارزانى و مەزلووم عەبدى
بەلاڤ بکە
گاڤ
سەرۆک نێچیرڤان بارزانى و مەزلووم عەبدى کۆمبوون، نێچیرڤان بارزانى راگەهاند، دیالۆک و لێکتێگەهشتن باشترین رێکن بۆ چارەیێن سیاسى.
سەرۆکایەتییا هەرێما کوردستانێ ناڤەرۆکا کۆمبوونا نێچیرڤان بارزانى، سەرۆکێ هەرێما کوردستانی و مەزلووم عەبدى، فەرماندارێ هێزێن سووریا دیمۆکرات هەسەدێ و ئیلهام ئەحمەد، بەرپرسا پەیوەندیێن دەرڤە یا هەسەدێ بەلاڤکر.
سەرۆکايەتییێ دیارکریە، دویماهى پێشهاتێن سیاسى و ئێمناهیێ ل سووریا و ناوچێ و رەوشا کوردان و پێکهاتێن سووریا هاتییە بەحسکرن.
سەرۆک نێچیرڤان بارزانى د کۆمبوونێ دا دوپاتى ل گرنگییا بەردەومییا دیالۆگێ و لێکتێگەهشتنێ بۆ چارەکرنا سیاسەیانە یا کێشەیێن سووریا کریە، ب شێوەیەکى کو مافێن کورد و پێکهاتان د چارچۆڤێ سووریایەکا ئێکگرتى و د دەستوورێ بهێت یێ سووریا دا پاراستى بن.
ژ ئالییێ خۆ ڤە مەزلووم عەبدى سوپاسییێن خۆ ئاراستەیى سەرۆک نێچیرڤان بازرانى و سەرۆکایەتییا هەرێما کوردستانێ کرن بۆ بزاڤێن وى یێن بەردەوام و رۆلێ کاریگەر ژبۆ ئارامکرنا رەوشێ و گەهاندنا = دیمەشق و هەسەدێ ب رێککەفتنا ئاگربەستێ.
هەروەسا سەرۆکایەتییا هەرێمێ دیارکریە، مەترسییێن سەرهەلدانا داعشێ و گەفێن تیرۆرێ تەوەرەکێ دى یێ کۆمبوونێ بوون.
