گاڤ

سەرۆک نێچیرڤان بارزانى راگەهاند، هەرێما کوردستانێ ل رۆژهەلاتا ناڤین فاکتەرێ ئاشتیێ یە و بەحس ل گرنگییا چوونا کوردان بۆ دیمەشقێ و دانوستاندنێن پارتى و ئێکەتییێ و پەیوەندیێن ل گەل حکومەتا ئیراقێ و پرۆسەیا ئاشتیێ کر.

نیچیرڤان بارزانى، سەرۆکێ هەرێما کوردستانێ د کۆنگرەیەکێ رۆژنامەڤانى دا بەحس ل چەندین مژاران ل سەر ئاستێ سووریا، تورکیا و ناڤخۆ یا هەرێما کوردستانێ کر و راگەهاند، کورد ڤەگەڕن دیمەشقێ و پشتەڤانیا خۆ بۆ رێککەفتنێ دوپاتکر، برێڤەچوونا پرۆسەیا ئاشتییێ ب باشى ل تورکیا ب باشى بناڤکر و گۆت: پارتى و ئێکەتى نێزیکى رێککەفتنێ بووینە.

نێچیرڤان بارزانى دیاردکەت، ئەم فاکتەرێ سەقامگێرییێ نە ل ناوچێ و هەرێما کوردستانێ سیاسەتا وان وەلاتان هەموویان وان دڤێت هەرێمەکا سەقامگیر و بهێز هەبیت د چارچۆڤێ ئیراقەکا فیدرالى دا و ئاستەنگ ل گەل بەغدا هەبوون و د کۆمبوونان دا هاتییە بەحسکرن و دیارکر، ل هەرێما کوردستانێ پشتەڤانییا پرۆسەیا رێککەفتنێ ل سووریا دهێتە کرن و پشتەڤانێن دانوستاندنێن دیمەشق و هەسەدێ نە و رێککەفتنا هاتییەکرن رێککەفتنەکا خراب نینە ل گۆرەیى ئەوا هاتییە پێش و د ڤێ رێککەفتنێ دا هەلوەستێ هەرێمێ ل گەل تورکیا و سەرۆک بارزانى ل گەل سەرۆک شەرع بەردەوامە.

سەرۆکێ هەرێما کوردستانێ ئاشکراکر، ئەڤ رێککەفتنە ب شێوەیەکێ تەمام وەک خۆ بهێتە بجهئینان و ئارامى و سەقامگێرى بهێتە ڤەگەڕاندن ز مافێن هەمى پێکهاتان بهێتە پاراستن و د دەستوورێ سووریا دا و ل پاشەرۆژێ  بهێتە بنەجهکرن و ئەڤە گەرەنتییە بۆ هەموو ئالییەکى هەست ب پشتراستییێ بکەت د چارچۆڤێ سوریایەکا ئێکگرتى دا.

سەرۆک نێچیرڤان بارزنى بەحس ل پرۆسەیا ئاشتییێ ل تورکیا ژى کر و ئاشکراکر، پرۆسەیا ئاشتیێ پرۆسەیەکا جدى یە و تورکیا دڤێت ڤێ کێشێ چارە بکەت راستە پرۆسە ب دلی خۆ ب رێڤە دچیت بەلێ گرنگە هەمى ئالییەک پێگیر بن بجهـ بینن و دوپاتکر، ئەوا دەولەت باخچەلى و عەبدوللا ئۆجەلان کارەکێ باش دکەن و جهوودەکێ باش خەرج دکەن دڤێت پەکەکە ژى وازح بکەتیا ئازادکرنا ئۆجالانى و دەستخۆشییێ ژى ل رەجەب تەیب ئەردۆگانى کر بۆ کارێ دکەت.

ل دۆر ناڤخۆ یا هەرێمێ ژى ئاشکراکر، بەرى 15 رۆژان ل گەل ئێکەتییا نشتیمانى کۆمبوونەکا گرنگ هاتەکرن ب سەرپەرشتییا سەرۆک بارزانى و ئامادەبوونا بافل تالەبانى و بەرى بهێمە میۆنشن ژى کۆمبوونەکا دى یا دو قۆلى د ناڤبەرا سەرۆک بارزانى و بافل تالەبانى دا هاتییەکرن و ل سەر چ خالان رێک نەکەفتینە بەلێ بەر ب ئاراستەیا دروست دچن.

هەروەسا جارەکا دى ڤەگەڕیا سووریا و دیارکر، دەلیڤەیا چارەکرنا کێشەیان هەیە، ئەو مۆدێلا سووریا دڤێت بجهـ بینیت بلا ئەو بخۆ چارە بکەن و خۆ ب رێڤەببەن و مۆدێلا خۆ دیاربکەن و ئەوا ل هەرێما کوردستانێ هەیى ل سووریا ژى بهێتە بجهئینان سووریا جودایە و نوکە تەماشە بکەن ئەحمەد شەرع مەرسووم بۆ پارێزگارێ حەسەکێ دەرخستییە و دیارکرنا پارێزگارێ حەسەکێ ژ ئالیێ هەسەدێ ڤە ئەگەر بۆ خزمەتا گشتى هەمى پێکهاتان بیت هەمى ئالییەک دێ پشتەڤان بیت و دڤێت کورد د پرۆسەیا سیاسى یا سووریا دا پشکدار بن و هەر کێشەیەکا هەیى بێخنە د ناڤا سووریایەکا ئێکگرتى دا.

هەروەسا دیارکر، ژ ئالییێ ئەحمەد شەرع و حکومەتا سووریا و هەروەسا هێزێن کوردى ژى نیەتەکا باش هەیە و راستە کێشە هەنە و دبیت کێشەیێن مەزنتر ژى بهێنە پێش لێ دڤێت هەمى بەر ب ئاراستەیا باش بچن و رۆلێ هەرێما کوردستانێ ب رۆلەکێ هاریکار بۆ گەهشتن ب چارەکرنێ بناڤکر.

هەروەسا گۆت: بێرییا قامشلۆ و عەفرینێ دکەین و د بەرنامەیێ مە دایە و پەیاما مە بۆ خوشک و برایێن مە ل رۆژئاڤا ئەوە پشتەڤانییا هەمى کوردستانییان بۆ وان جهێ سوپاسییێ یە و یا گرنگ رێککەفتن بهێتە بجهئینان و ئاڤەدانى ب گەهیتە هەمى جهەکى و و د چارچۆڤێ کۆنفرانسێ میۆنشن دا ل گەل گەلەک کۆپانییان ئاخفتییە بچن ئاڤەدانییێ ل سووریا بکەن,