گاڤ

سەرۆکێ هەرێما کوردستانێ ل گەل وەزیرێ دەرڤە یێ ئەلمانیا کۆمبوو، رۆلێ کارا یێ ئەلمانیا هاتە بەحسکرن، سەرۆک نێچیرڤان بارزانى سوپاسییا ئەلمانیا کر.

ئەڤرۆ نیڤرۆ 15-2-2026ێ د دیدارەکێ دا ل کۆنفرانسێ ئاساییشێ یێ میۆنشن نێچیرڤان بارزانى، سەرۆکێ هەرێما کوردستانێ ل گەل د. یۆهان ڤادەفول، وەزیرێ دەرڤە یێ ئەلمانیا کۆمبوو.

د دیدارێ دا پەیوەندیێن ئەلمانیا ل گەل ئیراق و هەرێما کوردستانێ و رۆلێ کارا یێ ئەلمانیا ل ناوچێ هاتە بەحسکرن.

سەرۆک نێچیرڤان بارزانى سوپاسی بۆ پشتەڤانی و هاریارییا ئەلمانیا د وارێن جودا دا بۆ ئیراق و هەرێما کوردستانێ دوپاتکر.

ژ ئالییێ خۆ ڤە وەزیرێ دەرڤە یێ ئەلمانیا بەحسێ پێگەهێ هەرێما کوردستانێ کر وەک فاکتەرێ سەقامگێرییێ ل ناوچێ، هەروەسا پابەندییا وەلاتێ خۆ بۆ بەردەومییا پشتەڤانییێ ل ئارامى و ئیراقێ و هەریما کوردستانێ نیشان دا.

دویماهى پێشهاتێن رۆژهەلاتا ناڤەڕاست و لێکتێگەهشتن تەوەرێن دى یێن کۆمبوونا سەرۆک نیچیرڤان بارزانى و وەزیرێ دەرڤە یێ ئەلمانیا بوون.