گاڤ

راهێنەرێ هەلبژارتییێ پۆرتوگال راگەهاند؛ کارکرن ل گەل رۆنالدۆی گەلەک یا ب ساناهی یە و چو نیشانێن لاوازییێ ل نک نینن، لەوما زی دەستان ژ یارییێ بەرنادەت.

ئێکشەمبییێ 15ێ شوباتێ 2026ێ، رۆبێرتۆ مارتینێز، راهێنەرێ پۆرتوگال بۆ رادیۆیا بی بی سی گۆت: "رۆنالدۆ سەرکێشێ تیمێ یە و کارکرن ل گەل وی گەلەک یا ب ساناهی یە چونکی ئەو پابەندی یاسایانە، سەرباری 21 سالێن یاریکرنێ هێشتا د ئاستەکێ بلند دایە".

مارتینێز ل دۆر ئاماران دیار کر؛ رۆنالدۆ د 30 یارییێن ناڤدەولەتی دا 25 گۆل تۆمار کرینە، ئەڤە ژی بەلگەیە کو ئەو یێ د گۆپیتکا ئاستێ خۆ دا و ژ ئالییێ جەستەیی ڤە چو کێشە نینن، لەوما ئەو زوی دەستان ژ یارییێ بەرنادەت، لێ د هەمان دەم دا بریارا دویماهییێ یا ل نک وی ب خۆ.