رێڤەبەرییا گشتی یا ساخلەمییا پارێزگەها دهۆکێ رێنماییێن تایبەت ب مەها رەمەزانا ئەڤ سالە بەلاڤکرن و هوشدارییێ ددەتە دوکانداران کو هەر کەسێ سەرپێچییێ بکەت، دێ جهێ وی بۆ ماوەیێ 7 رۆژان هێتە گرتن و دێ دەتە دادگەهێ.

ئەڤرۆ ئێکشەمبییێ 15ێ شوباتێ 2026ێ، پشکا چاڤدێری و سلامەتییا خوارنێ ل رێڤەبەرییا کاروبارێن خۆپاراستنا ساخلەمییێ یا سەر ب رێڤەبەرییا گشتی یا ساخلەمییا پارێزگەها دهۆکێ ل دهۆکێ ب رێیا نڤیسارەکێ هژمارەکا رێنماییێن ساخلەمییێ بۆ مەها رەمەزانێ  ل دۆر دروستکرنا شەربەتێ ئاراستەیی هەمی قایمقامیەت و رێڤەبەرییێن ناحیان کرییە.

ل دۆر شەربەت و ئاڤێ:

نابیت ب چو رەنگان شەربەت ب رێیکێن کەڤن (پالاوە و پارزینک) بهێتە چێکرن، دڤێت ئامیرێن تەسفیە و تافیلکرنێ هەبن.

دڤێت شەربەت د دەبە و پەرداخێن سەفەری یێن پلاستیکی یێن تایبەت ب خوارنێ (Food Grade) دا بیت و ناڤ و مێژوو و جهێ دروستکرنێ ل سەر بیت.

نابیت شەربەت ل سەر عەرەبانە و شووستەیان بهێتە دانان و فرۆتن، دڤێت ب تنێ ل مارکێت و دوکانێن دەستویردایی بهێتە فرۆتن.

ل دۆر گۆشتی:

نابیت گۆشت ل دەرڤەی جامخانە و دەرڤەیی سارکەران بهێتە دانان.

پشتی دەمژمێر 12:00ی نیڤرۆ، دڤێت گۆشت دناڤ سارکەران دا بهێتە هەلگرتن.

نابیت ئاژەل ل دەرڤەیی سەربڕخانەیێن دەستوورپێدایی بهێنە سەربڕین.

ل دۆر شریناهی و خوارنگەهان:

نابیت شریناهی (زەلابی و بەقلاوە...هتد) ل سەر جاددە و شووستەیان و دەرڤەیی دوکانێ بهێنە دانان.

کێشانا جگارەیان ل هەمی جهێن خوارن لێ دهێتە پێشکێشکرن قەدەغەیە.

نابیت شریناهی و شەربەت ل چایخانە و خوارنگەهان بهێنە چێکرن ئەگەر جهێ تایبەت بۆ نەبیت.

ساخلەمییا دهۆکێ دیارکرییە؛ لیژنەیێن چاڤدێریییێ دێ ب رەنگەکێ بەردەوام دویڤچوونێ کەن، هەر جهەکێ سەرپێچییێ بکەت، بۆ جاری ئێکێ دێ بۆ هەیاما (7) رۆژان هێتە گرتن، بۆ جارا دویێ دێ دۆسیەیا وی بۆ دادگەهێ هێتە هنارتن ل گۆرەیی یاسایا ساخلەمییا گشتی.

ل دۆر شەربەتێ:

● پێدڤییە ل هەمی جهێن چێکرنا شەربەت و تەزیاتییان ئامیرەیێن ڤاڤارتن و تافیلکرنا ئاڤێ بهێنه‌ دانان و بەردەوام ئەڤ ئامیرە کاربکەن.

● پێدڤییە شەربەت بۆ رۆژەکێ بتنێ بهێتە دروستکرن و دناڤ تەزیکەران دا بهێتە هەلگرتن.

● نابیت شەربەت ل سەر عەرەبانەیان و ل سەر شووستەیان بهێته‌ فرۆتن.

● فێقی باش بهێته‌ شویشتن و زوهاكرن و پاشی بۆ شه‌ربه‌تێ بهێته‌ بكارئینان.

● دێ رێ شەربەتا مێویژان بۆ بەرهەڤکرن و فرۆتنێ ل جهێن دەستویردایی هێتەدان.

● دروستە ل مارکێتان شەربەت بهێتە فرۆتن ب مەرجەکی ل جهەکێ دەستویردایی بهێتە دروستکرن و مێژوو و جهێ لێ  دروستکری ل سەر بیت.