گاڤ

رووانگەها ئیراقی بۆ مافێن مرۆڤی راگەهاند: ژ سالا 2025ێ زێدەتری 36 هزار حالەتێن تۆندوتیژییا خێزانی یێن فەرمی هاتینە تۆمارکرن، ب هەڤبەری ل گەل سالا پێشتر ب رێژەیا 150٪ زێدەکریە.

ل گۆرەی راپۆرتەکا فەرمی یا رووانگەها ئیراقی بۆ مافێن مرۆڤی، د دەما ئێک سال دا 36 هزار 289 حالەت هاتینە تۆمارکرن، کو پترییا وان هێرشێن زەلامان بوون لسەر هەڤژینێن وان هەروەسا ب هزاران حالەتێن تۆندوتیژییا دژی زارۆکان، کەسێن ب ناڤ سالڤەچووی و دناڤا خویشک و برایان ژی هاتینە تۆمارکرن.

د راپۆرتێ دا شەمس لەجماوی، هاریکارێ سەرۆکێ رووانگەها ئیراقی دبێژیت: ئەڤ ژمارە تەنێ ئەو کەسن کو بێدەنگی شکاندی ژ بەرکو پشکەکا مەزن یا قوربانییان ژبەر ترسا جڤاکی و نەبوونا پشتگیرییا دارایی و نەبوونا هندەک ئەگەرێن دی نەشیاینە سکالایێن  خۆ لسەر خزم و کەسوکارێن خۆ تۆماربکەن.