گاڤ

جڤاتا دادوەری یا هەرێما کوردستانێ ئامارێن هەڤژینی و جودابوونێ یێن سالا بۆری ل هەرێما کوردستانێ بەلاڤکرن و راگەهاند، زێدەتر ژ 61 هزار مامەلەیێن هەڤژینییێ و زێدەتر ژ 15 هزار مامەلەیێن جودابوونێ هاتینە تۆمارکرن. د هەڤژینیێ دا سلێمانی ل پلەیا ئێکێیە و د جودابوونێ ژی دا ژی هەولێر ل پلەیا ئێکێیە.

ئامارێن سالا 2025، ئەڤرۆ 22ی شوباتا 2026 هاتینە بەلاڤکرن و د هەمان دەم دا ب سالا 2024ێ هەڤبەرکرییە، ل گۆرەیی ژمارەیان، ل هەمی هەرێما کوردستانێ رێژەیا هەڤژینییێ بلند بوویە.

جڤاتا دادوەری یا هەرێما کوردستانێ ئامارێن پارێزگەهێن هەولێر، سلێمانی و دهۆکێ بەلاڤکرینە، هەلەبجە د ناڤ ئامارێ دا د چارچۆڤەیێ سلێمانییێ دا هاتییە هژمارتن، د هەمان دە مدا ئامارێن ئیدارەیا گەرمیان ل ژێر ناڤێ دادگەهێن (کەرکووک/ گەرمیان) هاتینە تۆمارکرن و ئامارا وێ ئیدارەیێ یا سەربخۆیە بێی پارێزگەها کەرکووکێ.

ل گۆرەیی ئامارێ، بتنێ ل پارێزگەها هەولێرێ 435 جودابوونێن هەڤژینان ژ ئەگەرێ ئالودەبوون ب ماددەیێن هشبەر هاتینە تۆمارکرن. هەمان سال، 107 رێپێدان بۆ ئینانا ژنا دویێ ل هەرێما کوردستانێ هاتینە دان، کو پترییا وان ل هەولێرێ بوون، پاشی سلێمانی و دهۆک.

هەڤژینی و جودابوون

ل گۆرەیی ئامارێ، سالا 2025ێ، ل هەرێما کوردستانێ 61 هزار و 328 مامەلەیێن هەڤژینییێ هاتینە کرن و ل گۆرەیی پارێزگەهان ژی ب ڤی رەنگی بوون:

پارێزگەها دهۆک: 12 هزار و 955 مامەلە

پارێزگەها هەولێرێ: 19 هزار و 620 مامەلە

پارێزگەها سلێمانییێ: 25 هزار و 678 مامەلە

ئیدارەیا سەربخۆ یا گەرمیان: 3 هزار و 66 مامەلە

هەمان سال، ل هەرێما کوردستانێ 15 هزار و 826 مامەلەیێن تەلاق - جودابوونێ هاتینە کرن.

ل گۆرەیی پارێزگەهان جودابوون ب ڤی رەنگی بووینە:

پارێزگەها دهۆک: 2354 جودابوون

پارێزگەها هەولێرێ: 7113 جودابوون

پارێزگەها سلێمانییێ: 5369 جودابوون

ئیدارەیا سەربخۆ یا گەرمیان: 990 جودابوون

ئینانا ژنا دویێ:

ل گۆرەیی جڤاتا دادوەری یا هەرێما کوردستانێ، پار 107 رێپێدان ب ئینانا ژنا دویێ هاتینە ب زەلامان دان.

دهۆک: 26 رێپێدان

هەولێر: 42 رێپێدان

سلێمانی: 39 رێپێدان

گەرمیان: سفر

هەڤبەرکرنا ئامارێن 2024 – 2025

د ئامارێ دا ئاماژە ب جودابوونا هەڤژینان دناڤبەرا سالێن 2024 بۆ 2025 هاتییەکرن و ل گۆرەیی پارێزگەهان ب ڤی رەنگی بوویە:

دهۆک: سالا 2024، 2032 جودابوون هەبوون، سالا 2025 بلند بوویە بۆ 2354، ب ڤێ ژی 321 جودابوون زێدە بووینە.

هەولێر: سالا 2024، 3878 جودابوون هەبوون، سالا 2025 بلند بوویە بۆ 7113، ب ڤێ ژی 3235 جودابوون زێدە بووینە.

سلێمانی: سالا 2024، 5745 جودابوون هەبوون، سالا 2025 کێم بوویە بۆ 5369، ب ڤێ ژی 376 جودابوون کێم بووینە.

گەرمیان: سالا 2024، 728 جودابوون هەبوون، سالا 2025 بلند بوویە بۆ 990، ب ڤی رەنگی د سالەکێ دا 262 جودابوون زێدە بووینە.

هەڤژینی زێدە بوویە

ل گۆرەیی جڤاتا دادوەری، رێژەیا مارەبرینێ (هەڤژینی) ژی ل هەمی پارێزگەهان بلندبوویە:

دهۆک: ژ 12,199 د سالا 2024 دا بۆ 12,955 د سالا 2025 دا بلند بوویە (756 زێدەبوون).

هەولێر: ژ 17,591 د سالا 2024 دا بۆ 19,620 د سالا 2025 دا بلند بوویە (2029 زێدەبوون).

سلێمانی: ژ 18,522 د سالا 2024 دا بۆ 25,678 د سالا 2025 دا بلند بوویە (7165 زێدەبوون).

گەرمیان: ژ 2706 د سالا 2024 دا بۆ 3066 د سالا 2025 دا بلند بوویە (360 زێدەبوون).

ئەگەرێن جودابوونێ

ئەگەرێن جودابوون ل هەولێرێ:

نەگونجایی ل گەل ئێک: 1232

تەکنەلۆژیا (موبایل - ئینتەرنێت): 1066

خیانەتا هەڤژینییێ: 918

ئەگەرێ ئابۆری: 880

نەبوونا مالا جودا: 869

ئەگەرێ جڤاکی: 561

ئالودەبوون ب ماددەیێن هشبەر: 435

جوداهییا ژی: 368

زیندانکرن: 344

نەخۆشی: 29

ئینانا ژنا دویێ: 57

نەزۆکی: 62

هەڤجنسبازی: 6

ئەگەرێن دی: 286

ئەگەرێن جودابوونێ ل دهۆکێ:

نەگونجانی ل گەل ئێک: 1328

موبایل و ئینتەرنێت: 175

ئەگەرێ جڤاکی: 136

ئەگەرێ ئابۆری: 126

خیانەتا هەڤژینییێ: 114

جوداهییا ژی: 60

ئینانا ژنا دویێ: 50

ئالودەبوون ب ماددەیێن هشبەر: 48

نەخۆشی: 15

نەزۆکی: 14

زیندانکرن: 9

ئەگەرێ ئایینی: 2

هەڤجنسبازی: 2

ئەگەرێن دی: 104

ل گۆرەیی ئامارا جڤاتا دادوەری، سالا 2024 ب گشتی 51,018 هەڤژینی و 12,387 جودابوون هاتبوونە تۆمارکرن.