گاڤ

کارلۆ ئەنچێلۆتی نێزیکە گرێبەستا خۆ دگەل بەرازیل نوی بکەت و فیدراسیۆنا بەرازیل یا بەرهەڤە وی ڕاهێنەرێ ئیتالى بکەتە خودان بلندترین مووچە د دیرۆكا ڕاهێنەران دا.

ل گۆرى میدیایێن به‌رازیلێ و خالا سه‌رنجراكێش د نوى كرنا گرێبه‌ستا ئەنچێلۆتی دا مووچه‌یێ وى یێ خه‌یالى یه‌ و دێ بیتە خودان بلندترین مووچە د دیرۆكا راهێنه‌ران دا،مووچەیێ وی یێ سالانە دێ بیتە 40 ملیۆن یورۆ،  كو نها سالانە بتنێ 11 ملیۆن یورۆیان وەردگریت.

ب ڤێ چەندێ، ئەنچێلۆتی دێ ب پێش هه‌ر ئێك ژ پێپ گواردیۆلا (ڕاهێنەرێ مانچێستەر سیتی) و دیێگۆ سیمیۆنی (ڕاهێنەرێ ئەتلەتیکۆ مەدرید) کەڤیت، کو هەر ئێک ژ وان سالانە نێزیکی 30 ملیۆن یۆرۆیان ژ یانەیێن خۆ وەردگرن.

ئەنچێلۆتی تا نها سه‌رپه‌رشتییا 8 یارییان بۆ به‌رازیلێ كرى یه‌، 4 سه‌ركه‌ڤتن، 2 وه‌كهه‌ڤى و 2 دۆڕاندن.