گاڤ

وەزیرا پەیوەندییان یا ئیراقێ ل دژى بڕیارا زێدەکرنا باجێ یە ب رێژەیا 20%ێ ل سەر کارتێن مۆبایلان و ئەنتەرنێتێ رەت دکەن و ئەگەر ژى ڤەگەڕاندن کو دێ زیان ب وەلاتییان کەڤیت.

حکومەتا ئیراقێ بڕیار دایە ب رێژەیا 20%ێ باج ل سەر کارتێن تەلەفوونان و خزمەتکاریێن ئەنتەرنێتێ بهێتە زێدەکرن و ئەڤ بڕیارە هەر ژ 23ى مەهێ چوویە د وارێ بجهئینانێ دا.

نڤیسینگەها هیام یاسرى، وەزیرا پەیوەندییان یا ئیراقێ گۆت: ب شێوەیەکێ فەرمى زێدەکرنا باجێ ب رێژەیا 20%ێ ل سەر کارتێن مۆبایلان و ئەنتەرنێتێ رەت دکەن کو ب بڕیارا جڤاتا وەیزران یا ژمارە 1083ێ بۆ ئەڤ سالە 2026ێ هاتییە دەرکرن.

هەروەسا وەزیرێ پێگوهۆڕەک ژى دانایە بەر سینگێ جڤاتا وەزیران و گۆتییە وان وى پارەیى ژ کۆمپانییان وەرگرن نە ژ وەلاتییان.