ئەندازیارەکێ کورد ل رووسیا باوەرنامەیا "پاراستنا شینوارێن کلتووری" بدەستڤەئینا
بەلاڤ بکە
گاڤ
د بڕیارەكا فەرمى دا كو ئیمزایا جێگرێ وەزیرێ رەوشەنبیرییا رووسیا ل سەرە، باوەرنامەیا تایبەت یا پاراستنا شوینوارێن كلتوورى ڤە دایە ئەندازیار و نیگاركێشێ كورد "نوریك مووسەیان".
نوریك مووسەیان، گەنجەكێ كوردێ ژدایكبوویێ وەلاتێ ئەرمەنستانێ یە و نوكە ئاكنجییێ مۆسكۆیە، خودانێ كارنامەیەكا تژی سەركەفتنە. ناڤبری هەتا نوكە پێنج پێشانگەهێن تایبەت ل باژێرێن جودا-جودا یێن رووسیا ڤەکرینە و خودانێ زێدەتر ژ 500 بەرهەمێن هونەرییە.
د وارێ تەلارسازییێ (ئەندازیارییا ئاڤاهییان) ژی دا، مووسەیان بۆ دەما چار سالان ل دویڤ ئێك پلەیا ئێكێ د هەڤرکییا تەلارسازییا دیپلۆماسی دا ب دەستڤە ئینایە و ژ لایێ وەزارەتا دەرڤە یا ڕووسیایێ ڤە هاتیە خەڵاتكرن. هەروەسا سالا بۆری ژ بەر ژێهاتیبوون و نایابیا وی د خواندنا زانكۆیێ دا، كورسییەكا خواندنا ماستەرێ د وارێ تەلارسازییێ دا وەك دیاری پێ هاتییە دان.
ڤی ئەندازیارێ كورد هیڤی خواستییە ل نێزیک پێشانگەهێن تایبەت ل باژێرێن هەولێر، سلێمانی و دهۆكێ ڤەكەت و ئارمانجا وی ئەوە ب كارێن خۆ یێن تەلارسازییێ ل ناڤخۆیا كوردستانێ پێشڤەببەت.
