گاڤ

فەرماندەیییا ناڤەندی یا سوپایێ ئەمریکا (سێنتکۆم) نویترین ئامارا زیانێن گیانی یێن هێزێن خۆ د ئالۆزییێن ڤان دویماهییان یێن دەڤەرێ دا بەلاڤ دکەت و رادگەهینیت، شەش سەربازێن ئەمریکی هاتینە کوشتن.

دوشەمبییێ 2ێ ئادارا 2026ێ، فەرماندەیییا ناڤەندی یا سوپایێ ئەمریکا د بەیانەکێ دا ئاماژە ب وێ یەکێ کرییە، شەش سەربازێن ئەمریکی د دەمێ برێڤەبرنا ئەرک و چالاکییێن سەربازی دا هاتینە کوشتن، هەروەسان ئاشکرا کرییە، هێزێن وان شیاینە تەرمێن دو سەربازان ببینن و ڤەگەڕینن کو بەری نوکە د بێسەروشوین بوون، ئەو تەرم ل وی بنگەهی هاتینە دیتن یێ کو ل دەستپێکا هێرشێن ئیرانێ ل دەڤەرێ هاتییە ئارمانجکرن.

د پشکەکا دی یا بەیانێ دا سێنتکۆمێ دایەزانین، ئۆپەراسیۆنێن شەڕی یێن مەزن هێشتا د بەردەوامن و ل دۆر ناسنامەیا کوشتییان ژی رۆهن کرییە، ل دیڤ پرۆتۆکۆلێن سەربازی، ناڤ و ناسنامەیا سەربازان ناهێتە ئاشکراکرن هەتا کو 24 دەمژمێر ب سەر ئاگەهدارکرنا فەرمی یا کەسوکارێن وان دا دەرباز نەبن.