پەهلەوی بۆ کوردان: دێ ب ئازادانە ژین و ناسنامەیا هەوە یا پاراستی بیت
بەلاڤ بکە
گاڤ
رەزا پەهلەوی پەیامەک بۆ کوردان ل رۆژهەلاتێ کوردستانێ هنارت
و تێدا سۆزێن پاراستنا ناسنامەیێ ددەتە کوردان.
رەزا پەهلەوی، کورێ شاهێ بەرێ یێ ئیرانێ د پەیاما خۆ یا ڤیدیۆیی دا دبێژیت: "هەڤوەلاتییێن پارێزگەهێن ئیلام و کرمانشان کوردستانێ، کوردێن ب وێرەک و نشتیمانپەروەر. عەشیرەتێن سەربلند یێن جاف، کەلهۆر، سەنجابی و بەختیاری. هەر ژ دەستپێکا ڤێ رژێمێ هوین تووشی سەپاندن و جوداکاری و نەدادپەروەرییێ بوون، لێ هەوە چ جاران خۆ رادەست نەکر".
هەروەسا دبێژیت "د ئیرانا ئازاد دا یا ل سەر بنەمایێ جوداکرنا ئاینی ژ دەولەتێ، ئێدی تووشی چ جوداکارییان نابن و دێ ب ئازادانە ژین و ناسنامەیا هەوە ژی دێ یا پاراستی بیت. ب شێوەیەکێ دادپەروەرانە دێ مفایی ژ خێر و بێرێن ئیرانا رزگاربوویی وەرگرن".
پەهلەوی دبێژیتە هەمی پێکهاتەیێن ئیرانێ "هوین پشکەکا نەڤەقەتیایی ژ پێکهاتەیا مێژوویی و کلتۆری یا ئیرانێ نە، ئەو پێکهاتەنە یێن کو هەردەم پارێزەرێن ئێکپارچەییا ئاخێ و کەرامەت و نامیسا نەتەوەیێ مە بووینە. ئەز یێ پشتراستم کو هوین دێ ل سەر ڤێ پەیمانێ ب هێز و خۆراگر مینن. ئەم یێ ل سەر دەستپێکا کەفتنا ڤێ رژێمێ. لێ دڤێت ئەم هشیار و بەرهەڤ بین و دەلیڤێ نەدەینە هێزێن ل دەلیڤان دگەرن، ئەوێن کو ژ مێژە دلێ خۆ برییە ئاخا ئیرانێ و ڤێ رەوشی بۆ مەرەمێن خۆ بکاربینن".
