گاڤ

سەرۆک نێچیرڤان بارزانی و سەرۆکێ فرەنسا ب رێیا تەلەفۆنێ دویماهی پێشهاتێن رەوشا دەڤەرێ گۆتوبێژ کرن و دلگرانییا خۆ هەمبەری بەرفرەهبوونا شەری دیار دکەن.

سێشەمبییێ 3ێ ئادارا 2026ێ، نێچیرڤان بارزانی، سەرۆکێ هەرێما کوردستانێ ب رێیا پەیوەندییەکا تەلەفۆنی ل گەل ئیمانوێل ماکرۆن، سەرۆکێ فرەنسا ئاخفت.

ل گۆرەیی سەرۆکاتییا هەرێما کوردستانێ، د وێ پەیوەندییێ دا، دویماهی پێشهاتێن رەوشا دەڤەرێ هاتنە بەحسکرن، هەردو ئالییان دلگرانییا خۆ هەمبەری پێشڤەچوونا شەڕی دیارکر و دوپاتی ل گرنگییا پاراستنا ئارامی و سەقامگیرییێ کر.

سەرۆکاتییا هەرێمێ دبێژیت: هەر د وێ پەیوەندییێ دا، تەکەزی ل سەر پێدڤییا چڕکرنا بزاڤێن ناڤدەولەتی بۆ ئارامکرنا رەوشێ و چارەکرنا ئالۆزییان ب رێیێن ئاشتییانە و دیپلۆماسی هاتەکرن.

چەند پرسێن دی یێن گرنگ بۆ هەردو ئالییان، تەوەرەکێ دی یێ وێ پەیوەندییێ بوون، ئەڤە سەرۆکاتییا هەرێمێ هۆسا دبێژیت.

ئەڤە پەیوەندییا سەرۆک نێچیرڤان بارزانی و ئێمانوێل ماکرۆن د دەمەکی دا یە، ژ رۆژا شەمبییێ 28ێ شوباتا 2026ێ وەرە، شەڕەکێ مەزن دناڤبەرا ئسرائیل و ئەمریکا ل گەل ئیرانێ ل دەڤەرێ دەستپێکرییە و کارتێکرنەکا مەزن ل سەر دەڤەرێ ب گشتی و هەرێما کوردستانێ ب تایبەتی هەبوویە.