گاڤ

سەرۆکایەتییا هەرێما کوردستانێ راگەهاند، درەنگیێن شڤێدى نێچیرڤان بارزانى، سەرۆکێ هەرێما کوردستانێ و ژۆن نوێل بارۆ، وەزیرێ دەرڤە یێ فرەنسا ب رێکا تەلەفوونێ ئاخفتن.

سەرۆکایەتییا هەرێمێ دیارکریە، وەزیرێ دەرڤە یێ فرەنسا هەڤسۆزى و پشتەڤانییا وەلاتێ خۆ ب هەرێما کوردستانێ دوپاتکریە و ل دۆر پێشهاتێن ناوچێ و چارەکرنا کێشەیان هەر دو ئالى ل سەر دوورخستنا ناوچێ ژ مەترسییان هەڤڕا بوون.

ژ ئالییێ خۆ ڤە سەرۆک نێچیرڤان بارزانى دیارکریە، پشتەڤانییا بەردەواما وەلاتێ فرەنسا بۆ هەرێمێ جهێ سووپاسییێ یە و دوپاتکریە، رۆلێ فرەنسا و کۆمەلگەها نێڤدەولەتى بۆ ئارامکرنا ئالۆزییان و دوورخستنا ناوچێ ژ مەترسیێن شەڕى گرنگە.