گاڤ

د ڤان دو رۆژان دا بەحس بەحسێ پلان و هەماهەنگییا ئەمریکا و کوردان ل ئیران و رۆژهەلاتێ کوردستانێ دهێتەکرن و سێ ژیدەرێن هایدارێ پلانێ بۆ سێ ئێن ئێن ئاخفتن.

سێ ژێدەرێن هایداری پلانێ بۆ سی ئێن ئێن گۆت: ئاژانسا هەوالگیرییا ئەمریکا CIA کار ل سەر پرچەککرنا هێزێن کوردی دکەت ب ئارمانجا دەستپێکرنا سەرهلدانەکا جەماوەری ل ئیرانێ. ئیدارەیا ترەمپ بەردەوام ل گەل وان هێزێن کوردی یێن ئۆپۆزسیۆن د پەیوەندییان دایە.

دهێتە چاڤەرێکرن د چەند رۆژێن بهێت دا هێزێن کوردی پشکداری ئۆپەراسیۆنا پیادە ل دژی رژێما ئیرانێ ل رۆژئاڤایێ وی وەلاتی ببن.

هێزێن کوردی ڤێ ب دەلیڤەیەکا مەزن و باش دبینن و چاڤەرێی پشتەڤانییا ئەمریکا و ئسرائیلێ دکەن.

ئێک ژ ژێدەران بۆ سی ئێن ئێن گۆت: پێشنیازا هاتییە کرن ئەوە هێزێن کوردی بەرهنگاری هێزێن ئەمنی یێن ئیرانی ببن و دۆرپێچ بکەن، داکو خەلک بشێن ل باژێرێن مەزن بێی ترس و هێرشێن پاسداران دەرکەڤنە سەر جاددەیان و سەرهلدانێ بکەن.

هەروەسا گۆت: ئەو پێشنیازە ژی هاتییەکرن کو کورد وان دەڤەران کونترۆل بکەن.