گاڤ

محەمەد شیاع سوودانی، فەرماندەیێ گشتی یێ هێزێن چەکدار یێن ئیراقێ، بریار دا هەمی بەرپرسێن دەزگەهێن هەوالگیری ل کەرتێ ئۆپەراسیۆنێن دەشتا نەینەوا ژ کاری دویربئێخیت.

ل گۆرەیی بەیانەکا نڤیسینگەها راگەهاندنا سەرۆکوەزیرێن ئیراقێ کو چارشەمبییێ (4ـێ ئادارا 2026) هاتییە بەلاڤکرن، محەمەد شیاع سوودانی وەک فەرماندەیێ گشتی یێ هێزێن چەکدار، فەرمان دایە ب لێبۆرین و دویرئێخستنا هەمی بەرپرسێن سەر ب دەزگەهێن هەوالگیری ڤە ل سنۆرێ کەرتێ ئۆپەراسیۆنێن دەشتا نەینەوا.

کەنالێ حەدەس راگەهاندییە؛ ئەگەرێ ڤێ چەندێ بۆ وێ یەکێ ڤەدگەریت کو وان هێزان هێرش کرییە سەر هەرێما کوردستانێ.

ئەڤە د دەمەکی دا یە، ژ سپێدەهییا رۆژا شەمبییێ 28ـێ شوباتێ، هێرشەکا بەرفرەهـ و هەڤپشک یا ئسرائیلێ و ئەمریکا بۆ سەر ئیرانێ دەستپێکرییە و هەتا نوکە هژمارەکا مەزن یا بەرپرسێن بلند دناڤ ژی دا عەلی خامنەیی رێبەرێ ئیرانێ، هاتینە کوشتن.