گاڤ

هەر چار سەرۆکاتییێن ئیراقێ کۆمبوون و رەوشا شەڕێ ئسرائیل و ئەمریکا ل گەل ئیرانێ بەحسکر.

ل گۆرەی بەیانەکا نڤیسینگەها سەرۆکوەزیرێ ئیراقێ: محەمەد شیاع سوودانی، سەرۆکوەزیرێ ئیراقێ، د. لەتیف رەشید، سەرۆککۆمارێ ئیراقێ، هەیبەت حەلبووسی، سەرۆکێ پەرلەمانی و فایق زێدان، سەرۆکێ جڤاتا بلندا دادوەری کۆمبوون. کارتێکرنا شەڕی ل سەر ئیراقێ ئێک ژ تەوەرێن سەرەکی یێن کۆمبوونێ بوو.

هەروەسا هاتییە: رێکێن رێگریکرنێ ل کێشانا ئیراقێ بۆ ناڤا ڤی شەرێ هاتنە بەحسکرن و دۆپاتی ل پاراستنا سەروەرییا ئیراقێ و هنارتییێن دپلۆماسی یێن وەلاتێن بیانی هاتەکرن.

هەر چار سەرۆکاتییان دۆپاتکر کو ئاخا ئیراقێ بۆ هێرشکرنا وەلاتەکێ جیران ب چ رەنگان ناهێتە بکارئینان و دۆپاتکر کو هێرشێن ل سەر هەرێما کوردستانێ رەت دکەین.

دیار ژی کر: کۆمبوونێ دۆپاتی ل سەر پێدڤییا راوەستاندنا ب لەز یا کریارێن سەربازی ل دەڤەرێ و رێزگرتن ل سەروەری و سەربەخۆییا وەلاتان کر، هەروەسا داخواز ژ جڤاکا نێڤدەولەتی کر ب زویترین دەم بزاڤان بکەن دا کو رێگری ل بەرفرەهبوونا بازنا شەڕی بهێتە گرتن.