گاڤ

ئەڤ شەڤە ل سنۆرێ ناحیا چەمانکێ سێ درۆن کەفتنە خوارێ کو ئاراستەیی کێلگەهێن پەترۆلێ یێن دەڤەرێ هاتبوونە کرن، لێ چو زیان نەگەهاندینە.

دلۆڤان حەسەن، پەیامنێرێ گاڤ راگەهاند، دەوروبەرێن دەمژمێر 10:00ی شەڤا پێنجشەمبییێ، سێ درۆن کو ئاراستەیی کێلگەهێن پەترۆلێ یێن سنۆرێ ناحیا چەمانکێ هاتبوونە کرن، هاتنە ئێخستن بێی کو چو زیانان بگەهینن.

ل وان کێلگەهێن پەترۆلێ یێن سنۆرێ ناحیا چەمانکێ، کۆمپانییا (HKN) یا ئەمریکی کار دکەت. ئەڤە جارا ئێکێ یە پشتی دەستپێکرنا ئالۆزییێن دناڤبەرا ئەمریکا، ئسرائیل و ئیرانێ ل دەڤەرێ، هێرش بهێتە کرن بۆ سەر وی سنۆری و کێلگەهێن پەترۆلێ ببنە ئارمانج.

هەژی گۆتنێ یە میلیشیایێن 'سەرخ قودس' یێ بەرەیێ مقاومەیێ ل ئیراقێ د بەیانەکێ دا راگەهاند، مە ب دو درۆنان هێرش کرە سەر پەترۆلگەهێن چەمانکێ.