گاڤ

سەقاناسییا هەرێما کوردستانێ ئاماژەیێ ب وێ یەکێ دکەت، ئەڤرۆ ئەسمان دێ عەور بۆ نیڤ عەور بیت، بەلێ بۆ سوبەهی شەمبییێ بارانبارین دێ دەست پێ کەت.

ئەینییێ 6ـێ ئادارا 2026ێ، ڕێڤەبەرییا گشتی یا سەقاناسی و بیڤەلەرزان یا هەرێما کوردستانێ راگەهاند، ئەڤرۆ دێ ئەسمان عەور بۆ نیڤ عەور بیت، ل گەل هەبوونا تۆزەکا سڤک د سەقایی دا، هەروەسان پلەیێن گەرمێ دێ نێزیکی پلەیێن تۆمارکری یێن دوهی بن.

هەروەسان بۆ سوبەهی شەمبیێ، ئەسمان دێ دناڤبەرا نیڤ عەور و عەورێ تەمام دا بیت، دەستپێکێ ل دەڤەرێن چیایی یێن باکورێ پارێزگەها دهۆکێ دێ پیچەک نەرمە-باران و بەفربارین دەست پێ کەت، پاشی ل دانێ ئێڤاری دێ نەرمە باران و بارانا مامناڤەند پترییا دەڤەرێن پارێزگەها دهۆکێ و ئیدارەیا سۆران ڤەگریت، ل درەنگییا شەڤا شەمبییێ دێ کارتێکرنا دابارینێ زێدە بیت و ل پترییا دەڤەرێن هەرێما کوردستانێ دێ باران باریت، هەروەسان ل هەمی دەڤەرێن سنۆری دێ بەفر باریت.

بلندترین پلەیێن گەرمێ یێن پێشبینیکری بۆ ئەڤرۆ:

دهۆک: 15 پلەیێن سیلیزی

زاخۆ: 16 پلەیێن سیلیزی

هەولێر: 13 پلەیێن سیلیزی

پیرمام: 11 پلەیێن سیلیزی

سۆران: 12 پلەیێن سیلیزی

حاجی ئۆمەران: 4 پلەیێن سیلیزی

سلێمانی: 11 پلەیێن سیلیزی

چەمچەمال: 13 پلەیێن سیلیزی

هەلەبجە: 12 پلەیێن سیلیزی

گەرمیان: 17 پلەیێن سیلیزی