گاڤ

پەیڤدارێ وەزارەتا دەرڤە یا ئیرانێ د پەیامەکێ دا کو ئاراستەی نەیارێن وەلاتێ خۆ کریییە راگەهاند؛ "دێ ئیرانێ کەینە گۆرستان بۆ دۆژمنێن خۆ".

ئسماعیل بەقائی پەیڤدارێ وەزارەتا دەرڤە یا ئیرانێ ئەڤرۆ  رۆژا دوشەمبی، 9-3-2026ێ د کۆنگرەکێ رۆژنامەڤانی دا پەیامەکا تۆند ئاراستەی نەیارێن وەلاتێ خۆ کر و راگەهاند: "ئێران دێ بیتە گۆرستانەک بۆ دوژمنان."

بەقائی دوپاتی ل وێ یەکێ کر کو وەلاتێ وی ب هەمی هێز و شیانێن خۆ بەرگرییێ ژ سەروەریا ئاخا خۆ دکەت و گۆت: "ئێران بەرگریێ ژ ئازادی و کەرامەتا خۆ دکەت و رێزێ ل سەروەریا وەلاتێن دی ژی دگریت."

دەربارەی وان دەنگۆیێن دبێژن ئێرانێ هێرش کریە سەر هندەک وەلاتان، پەیڤدارێ وەزارەتا دەرڤە یا ئیرانێ رەت کر کو وەلاتێ وی هێرش کربیتە سەر قوبرس یان ئازەربایجانێ. هەمان دەم ئاماژە ب وێ چەندێ کر کو د ناڤخۆیا ئێرانێ دا زارۆک و خەلکێ سڤیل بووینە ئارمانج، ئەڤ چەندە ژی وەک ئاماژەک بۆ وان مەترسیێن روی ب روی وەلاتێ وی دبن.

ل دویماهیێ ئسماعیل بەقائی راگەهاند: "ئارمانجا سەرەکییا دوژمنان پارچەکرنا ئاخا ئێرانێ یەلێ تەهران ب چ رێکێ ب چ پیلانێن ب وی رەنگی نادەت.