گاڤ

وەکو رێکارەک بۆ رێگریکرنێ ل هێرشێن بەردەوام یێن مۆشەکی بۆ سەر هەرێام کوردستانێ، تایبەت هەولێرێ، ب بریارا فەرماندارێ گشتی یێ هێزێن چەکدار دو لیوایێن سۆپایی ل جهێ دو لیوایێن حەشدێ ل نەینەوا جهگیربوون.

ژێدرەکی ژ جڤاتا پارێزگەها نەینەوا بۆ گاڤ گۆت: هەردو لیوایێن 66 و 76 یێن سەر ب فرقەیا 16 یا سۆپایێ ئیراقێ هاتینە پارێزگەها نەینەوا. جهگیربوونا هەردو لیوایێن ئیراقێ ب فەرمانا محەمەد شیاع سوودانی ل رۆژا 7ێ ئادارێ دەستپێکرییە.

هەروەسا گۆت: لیوایا 66 ل باکۆرێ رۆژهەلاتێ نەینەوا ل ناحییێن نەمروود و بەرتەلە جهگیربووینە کو پێشتر د دەستێ لیوا 30 یا حەشدێ دابوو. لیوایا 76 ژی ل دەڤەرێن تلسقۆف و وانکێ جهگیربووینە کو پێشتر د دەستێ لیوایا 50 یا حەشدێ دابوو، هەردو دەڤەر هەڤسنۆرن ل گەل هەرێما کوردستانێ.

ل هندەک جهان سۆپایێ ئیراقێ ب تەمامی جهێ حەشدێ گرتییە و ل هندەک جهان ژی ب هەڤپشکی برێڤە دبەن.

ئەڤ بریارە وەکو رێکارەکێ یە ژ حکومەتا ئیراقێ بۆ رێگریکرنێ ل هێرشێن بەردەوام ل سەر هەرێما کوردستانێ.