گاڤ

وەزارەتا دارایی راگەهاند، دێ مووچەیێ مامۆستایێن گرێبەست و پشکەک ژ فەرمانبەرێن هەردەمی و گرێبەست هێتە دابەشکرن.

دوەمبییێ 9ێ ئادارا 2026ێ، وەزارەتا دارایی و ئابۆری یا حکومەتا هەرێما کوردستانێ 9ێ ئادارا 2026ێ، د بەیانەکێ دا راگەهاند، پێنجشەمبیێ 12ێ ئادارا 2026ێ، دێ مووچەیێ مەها شوباتێ یێ مامۆستایێن گرێبەست یێن وەزارەتا پەروەردەیێ و خواندنا بلند و ڤەکۆلینێن زانستی هێتە دابەشکرن.

ئاماژە ب وێ چەندێ ژی کرییە، د هەمان رۆژ دا دێ مووچەیێ مەها شوباتێ یێ هەمی وان فەرمانبەران هێتە دابەشکرن یێن کو پشتی 1/7/2024 ب شێوەیێ گرێبەست و هەردەمی ل سەر میلاکێ دەزگەهێن حکومەتا هەرێمێ هاتینە دامەزراندن، کو شایستەیێن وان ل سەر داهاتێ ناڤخۆیی یێ هەرێما کوردستانێ دهێنە خەرجکرن.

هەر ئەڤرۆ دوشەمبیێ، دویماهی کۆژمێ تەمویلا مووچەیێ مەها شوباتێ کو کۆژمێ وێ (295) ملیار و (405) ملیۆن دینار بوون، کەفتنە سەر هژمارا بەنکی یا وەزارەتا دارایی ل تایێ هەولێرێ یێ بەنکا ناڤەندی یا ئیراقێ.

وەزارەتا دارایی و ئابۆری یا هەرێما کوردستانێ خشتەیێ دابەشکرنا مووچەیێ مەها شوباتێ یێ فەرمانبەر و مووچەخۆران بەلاڤکر.

ل گۆرەی خشتەیی، سوبەهی سێشەمبیێ، 10ـێ ئادارا 2026ـێ، دێ دەست ب دابەشکرنا مووچەیێ هەیڤا شوباتێ هێتە کرن و پێنجشەمبیێ، 12ـێ ئادارا 2026ـێ، دێ ب دویماهی هێت.

ل هەرێما کوردستانێ پتری 60 هزار مووچەخۆرێن گرێبەست هەنە، پترییا مامۆستایێن گرێبەست یێن وەزارەتا پەروەردە و خواندنا بلندن.