گاڤ

وەزارەتا دارایی و ئابۆری یا حکومەتا هەرێما کوردستانێ راگەهاند، پرۆسەیا دیجیتالکرنا مووچەیی گاڤێن مەزن بڕینە و د ڤێ مەهێ دا دێ 720 هزار مووچەخۆر د سێکتەرێن جودا-جودا دا مووچەیێن خۆ ب رێیا پرۆژەیێ 'هەژماری من' وەردگرن. ل گۆرەیی ئاماران، هەتا نوکە هژمارا تۆمارکرییان د پرۆژەیی دا 900 هزار کەس دەرباز کرینە.

دوشەمبییێ 9ـێ ئادارا 2026ـێ، وەزارەتا دارایی و ئابۆری یا حکومەتا هەرێما کوردستانێ بەیانەک بەلاڤکرییە و دناڤ دا ئاماژە دایە: پتر ژ 720 هزار مووچەخۆرێن مەدەنی، خانەنشین، پێشمەرگە و ئاسایش و مالباتێن شەهیدان دێ مووچەیێ مەها 2 ب شێوەیێ دیجیتالی ب رێیا پرۆژەیێ 'هەژماری من' وەرگرن.

د بەیانێ دا بەحس ل وێ چەندێ ژی کریە، هەتا نوکە، پتر ژ 900,000 مووچەخۆران خۆ د پرۆژەیێ 'هەژماری من' دا تۆمار کرییە. جهێ بەحسکرنێیە کو د چارچۆڤەیێ پرۆژەیی دا نێزیکی 572 ئامیرێن راکێشانا پارەیی (ATM)  ل سەرانسەری هەرێما کوردستانێ هاتینە جهگیرکرن بۆ وێ یەکێ وەلاتی ب شێوەیەکێ 24 دەمژمێری بشێن پارەیی رابکێشن.

وەزارەتا دارایی و ئابۆری دبێژیت ژی: پرۆژەیێ 'هەژماری من' کو دەستپێشخەرییەکا حکومەتا هەرێما کوردستانێ یە بۆ ب بانکیکرنا مووچەیێ مووچەخۆران، د سالا 2023ـێ دا ژ ئالییێ مەسروور بارزانی، سەرۆکێ حکومەتا هەرێما کوردستانێ ڤە هاتە راگەهاندن، وەکی پشکەک ژ کارنامەیا کابینەیا 9ـێ یا حکومەتێ بۆ ب سەردەمیکرنا خزمەتگۆزارییێن بەنکی و بهێزکرنا گشتگیرییا دارایی ل سەرانسەری هەرێما کوردستانێ.

خشتەیێ 1: هژمارا فەرمانبەران کو دێ شێوەیێ دیجیتالی مووچەیێ مەها 2 وەرگرن، ل گۆرەیی پارێزگەهان: