گاڤ

وەزارەتا دەرڤە یا ئیماراتێ راگەهاند؛ هێرشەکا تیرۆرستی ب فرۆکەیا بێفرۆکەوان کونسولخانەیا مە ل هەولێرێ کریە ئارمانج، داخوازا ڤەکۆلین و لێپرسینێ کرییە.

وەزارەتا دەرڤە یا ئیماراتێ ئەڤرۆ رۆژا سێشەمبی 10-3-2026ێ د بەیانەکێ دا راگەهاند: ب تۆندی وێ هێرشا تیرۆرستی یا ترسنۆکانە شەرمزار دکەین کو ب فرۆکەیەکا بێفرۆکەوان کونسولخانەیا مە ل کوردستانا ئێراقێ کریە ئارمانج، هێرشێ زیانێن ماددی هەبووینە و چ زیانێن گیانی نەبووینە.

وەزارەتا دەرڤە یا ئیماراتێ دیار کر: ئارمانجکرنا نوینەرایەتی و جهێن دپلۆماسی، بنپێکارییەکا ئاشکرایە بۆ هەمی یاسا و بنەماییێن نێڤدەولەتی، ب تایبەتی رێککەفتنێن ڤیەنا یێن پەیوەندییێن دپلۆماسی، ئەڤ جۆرە هێرشە گەفێ ل ئاساییش و سەقامگیریا دەڤەرێ زێدە دکەن.

وەزارەتا دەرڤە یا ئیماراتێ هەروەسا داخواز ژ حکومەتا ئێراقێ و هەرێما کوردستانی دکەت کو دویڤچوونێ بۆ رەوشا هێرشێ بکەن ژ پێخەمەت دەستنیشانکرنا وان کەسێن بەرپرس، و هەمی رێکارێن پێدڤی بگرنە بەر دا داکو لێپرسینی ل گەل ئەنجامدەران بکەن.

وەزارەتا دەرڤە یا ئیماراتێ ل دویماهییێ دوپاتی ل وێ یەکی دکەت کو دەولەتا ئیماراتێ ئەڤان جورە هێرشێن ترسنۆکانە یێن کو ئارمانج ژێ تێکدانا ئاساییش و سەقامگیریێ یە رەت دکەت گۆت: پێدڤییە بارەگەهـ و شاندێن دپلۆماسی و کارمەندێن تێدا بهێنە پاراستن ب ل گۆرەی یاسا و بنەمایێن نێڤدەولەتی.