گاڤ

پۆلیسێن ئاکرێ گرتنا چار تۆمەتبارێن بازرگانیکرنێ ب ماددەیێن هشبەر راگەهاند کو دو ژ وان کوردن و دو ژی عەرەبن.

رێڤەبەرییا پۆلیسێن ئاکرێ د بەیانەکێ دا راگەهاند:  شڤێدی زانیاری ل دۆر بکارئینان و بازرگانیکرنێ ب ماددەیێن هشبەر گەهشتنە بنگەهێ پۆلیسێن کەلەک – پشکا پۆلیسێن قەزا بەردەرەش. هەر زوی پۆلیسان دەست ب دویڤچوونان کر و چار کەس ب تۆمەتا بازرگانیکرنێ گرتن.

هەروەسا هاتییە: هەر چار تۆمەتبار گەنجن و تەمەنێن وان وان د ناڤبەرا 20 بۆ 27 سالییێ دانە. ل گەل گرتنا وان دەست ب سەر 20 گرامێن ماددەیێ هشبەر ژ جۆرێ کریستال ژی دا هاتە گرتن.

تۆمەتبارەکێ دی یێ 22 سالی رەڤی یە و فەرمانا گرتنێ بۆ دەرکەفتییە.