گاڤ

پەیڤدارێ وەزارەتا ئەوقافێ بەحس ل وێ چەندێ دکەت، ئێڤارییا رۆژا چارشەمبیێ لیژنا بلندا دیتنا هەیڤێ بۆ دیارکرنا ئێکەم رۆژا جەژنا رەمەزانێ دێ کۆم بن.

ل هەمی سالان ل ئێڤارییا رۆژا دویماهییا رەمەزانێ ئێکەتییا زانایێن ئیسلامی ل هەمی جیهانێ کۆمڤەدبن و تەماشەیی دیتنا هەیڤێ دکەن ئەگەر هاتە دیتن، رۆژا پاشتر دبیتە جەژن و نابیت رۆژی بهێنە گرتن لێ ئەگەر هەیڤ نەهاتە دیتن رۆژا دویڤدا دبیتە تەمامکەرا مەها رەمەزانێ.

ئێکشەمبیێیێ 15ێ ئادارا 2026ێ، نەبەز ئیسماعیل، پەیڤدارێ وەزارەتا ئەوقاف و کاروبارێن ئایینی راگەهاند، ئێڤارییا رۆژا چارشەمبیێ 29ێ رەمەزانێ، ل وەزارەتا ئەوقافێ ب هەماهەنگی ل گەل لیژنەیێن لاوەکی ل پارێزگەهـ و ئیدارەیێن سەربخۆ بۆ دیارکرنا ئێکەم رۆژا جەژنێ دێ کۆم بین.

پەیڤدارێ وەزارەتا ئەوقافێ گۆت ژی: ئەگەر ئێڤارییا رۆژا چارشەمبیێ، هەیڤ ب بەلگەیێن شەرعی بهێتە دیتن، ئەڤجا رۆژا پێنجشەمبیێ دێ بیتە ئێکەم رۆژا جەژنا رەمەزانێ.

هەروەسان تەکەزییێ ل وێ چەندێ دکەت، لیژنا بلند یا دیتنا هەیڤێ پشتا خۆ ب بەلگەیێن شەرعی گەرم دکەت نەک رایا فەلەکناسان یان رایا کەسی یان ئالییەکێ دی، بەلکو بڕیار ل نک لیژنا بلند یا دیتنا هەیڤێ ب خۆ یە.