گاڤ

رێڤەبەرییا گشتی یا ساخلەمییا دهۆکێ پلانا خۆ یا تایبەت بۆ رۆژێن جەژنا رەمەزانێ و جەژنا نەورۆزێ راگەهاند و تێدا تەکەزی ل بەردەوامییا خزمەتگۆزارییێن نۆشداری و ئامادەباشییا تەمام یا تیمێن هەوارهاتنێ هاتییە کرن.

ل گۆرەیی پلانا ڕێڤەبەرییێ، ژ پێخەمەت بەرژەوەندییا گشتی دێ هەمی نەخۆشخانە، سەنتەرێن شویشتنا گولچیسکان، چارەسەرییا کیمیایی و بەنکا خوینێ ب شێوەیێ نۆبەداری (خەفەر) 24 دەمژمێران د ڤەکری بن، هەروەسان نۆشدارێن پسپۆر و کارمەندێن ساخلەمییێ دێ ب بەردەوامی ل سەر کارێن خۆ بن.

د پشکەکا دی یا پلانێ دا هاتییە، 28 تیمێن هەوارهاتنێ و هێلا 122 دێ ب شێوەیێ شەڤ و ڕۆژ د ئامادەباشییێ دا بن، ل گەل دابینکرنا ئەمبۆلانسان ل رێکێن سەرەکی، جهێن گەشتیاری و ئەو جهێن ئاهەنگ تێدا دهێنە گێران، بۆ هندێ خزمەتگۆزاری دەملدەست بگەهنە وەلاتییان.

ساخلەمییێ ئاشکرا ژی کر، تیمێن چاڤدێریێی و ساخلەمییا گشتی دێ دویڤچوونا بازار، خوارنگەهـ و جهێن گشتی کەن، هەروەسان خزمەتگۆزارییێن نۆشداری ل کەمپێن ئاوارەیان ژی دێ ب بەردەوامی دابینکری بن و لیژنەیێن دویڤچوونێ دێ ب شێوەیەکێ مەیدانی چاڤدێرییا رەوشێ کەن.

پلان ب ڤی رەنگێ ل خوارێ یە:

● لیژنەیێن دویڤچوونێ ل رێڤەبەرییا گشتی و نەخۆشخانەیان دێ سەرەدانێن مەیدانی کەن.

● بۆ هەر کارەکێ پێدڤی و بلەز، هێلا گەرم یا پەیوەندییێ بۆ بەرسڤدانێ دێ یا بەرهەڤ بیت.

● ل دەمێ پێدڤی دا، کۆگەهێن دەرمان، پێدڤییێن نۆشداری و تاقیگەهـ دێ ل هەمی باژێر و باژێرکان د ڤەکری بن.

● نۆشدارێن پسپۆر، نیشتەجێ یێن دێرین و خولاو، پەرستار و کارمەندێن ساخلەمییێ دێ ب بەردەوامی ل ناڤ نەخۆشخانەیان دا مینن ب شێوەیێ نۆبەداری (خەفەر).

● هاتنا ژوورڤە یا راگەهاندنێ تنێ دێ ب رێیا راگەهاندنا فەرمی یا رێڤەبەرییێ بیت.

● ئامارا رۆژانە دێ د هەیاما 24 دەمژمێران دا بیت (ژ دەمژمێر 8ی سپێدێ هەتا 8ی سپێدەهییا رۆژا پاشتر) و ب فۆرمەکا تایبەت دێ بۆ ڕێڤەبەریا گشتی هێتە ڕەوانەکرن.

●  ئامادەباشیەکا تەمام بۆ ئەمبۆلانسان هاتییە کرن و سۆتەمەنی بۆ وان هاتییە دابینکرن.

● دێ دویڤچوونا بەردەوام بۆ پرۆژەیێن پاقژکرنێ و دابینکرنا خوارنێ هێتە کرن.

● هێلێن موبایلێ یێن رێڤەبەر و بەرپرسێن پشکێن جودا-جودا بۆ بەرسڤدانا هەر حالەتەکی دێ ڤەکری بن.

● نەخۆشخانەیێن هەوارهاتنێ و بنگەهێن نۆبەدارییێ دێ د ڤەکری بن و هەمی زانیارییێن نەخۆشان دێ هێنە تۆمارکرن.

●  سەنتەرێن چارەسەرییا کیمیایی بۆ نەخۆشێن پەنجەشێرێ دێ ب شێوەیێ نۆبەداری د ڤەکری بن.

●  سەنتەرێن شویشتنا گۆلچیسکان دێ ب شێوەیێ نۆبەداری د خزمەتێ دا بن.

● 28 تیمێن هەوارهاتنێ و هێلا 122 دێ ب شێوەیێ 24 دەمژمێری ل سەر کاری بن و دێ ل جهێن پێدڤی هێنە بەلاڤکرن.

● خزمەتگۆزارییا بەنکا خوینێ دێ ب شێوەیێ نۆبەدارییا 24 دەمژمێران ڤەکری بیت.

● تیمێن ساخلەمیا گشتی و چاڤدێرییێ دێ ب بەردەوامی دویڤچوونا بازار، خوارن و جهێن گشتی ب شێوەیێ نۆبەداری کەن.

● پێشکێشکرنا خزمەتگۆزارییێن ساخلەمییێ بۆ ئاوارەیان ل کەمپان دێ ب بەردەوامی هەبیت.

● تیمێن ساخلەمییێ ل جهێن گەشتیاری، رێکێن سەرەکی و جهێن ئاهەنگان بۆ خزمەتکرنا وەلاتییان دێ هێنە دانان.

● پێدڤییە کار ب پلان و بەرنامەیێ تایبەت یێ هەوارهاتنا نۆشداری ل دەمێ قەرەبالغ و تەنگاڤییان بهێتە کرن.