خراپترین سیناریۆیا کو بازارێن وزه‌يا جیهانێ ژێ ترسیان روویدا، ئه‌و ژی گرتنا گه‌روویا هۆرمووز و بلندبوونا بوهایێ په‌ترۆلێ یه‌، كو د شه‌ڤه ‌كو‌ و رۆژه‌كان دا سه‌د دۆلار ده‌ربازكرن. مەترسیێن هاتن وچوونا كه‌شتیێن نێڤده‌وله‌تي ل کەنداڤا عه‌ره‌بی دژۆار بوويه‌ و هنارتنا نه‌فتێ ب كه‌شتیان هاته‌ راگرتن, وێ چه‌ندێ ژى كاريگه‌ريه‌كا به‌رچاڤ لسىه‌ر ئابووريا جيهانێ دروستكريه‌.

د ڤێ ره‌وشێ دا ته‌نێ ولاته‌ك مفاداربوویه‌، ئه‌و ژى, نه‌ ئیسرائیل و نه‌ ئه‌مه‌ریكایه‌.

بەری شەڕی، ئەمریکا گفاش ل وه‌لاتێن جیهانێ و ب تایبه‌تی ل هیندستانێ کرن کو کڕینا نەفتێ ژ مۆسکۆ کێم بکەت، به‌لێ ئیدارەیا تڕەمپی ژبو دابینكرنا رێژا نه‌فتا پێدڤی دبازارێن جیهانێ دا، ژبو ده‌مێ 30 رۆژان رێ ب رووسیا دات كو نه‌فتا خو بفروشیت و ڤێ بریارێ ژى وه‌لاتێن ئه‌ورووپا دلگرانكران،

بوچی ولاتێن ئه‌ورووپا  دلگران بوونه؟

راكرنا سزایان لسه‌ر فرۆتنا نه‌فتا رووسیا هه‌تا ئه‌گه‌ر ده‌مكی ژی بیت، رێكێ دده‌ته‌ موسكو كو شه‌ره‌كێ باشتر لدژی ئۆكراینا بكه‌ت‌, هه‌ر ئه‌و چه‌ند ژى بوويه‌ سه‌ده‌م كو ولاتێن ئه‌ورووپا و ناتۆ به‌شداريێ ل شه‌رێ لدژى ئێڕانێ نه‌كه‌ن.

جاره‌كا دن هه‌موو لڤینێن جیهانێ ب هه‌ڤرا گرێداینه‌, گرتنا گه‌رووپا هۆرموز و نه‌چاريا دابينكرنا وزه‌يێ ژبۆ بازارێن جيهانێ, ئاراسته‌يا كرينا وزه‌يي به‌ر رووسيا دچيت, هه‌ر ژبه‌ر وي چه‌ندێ رووسیا مفادارترین وه‌لاته‌ ژ ره‌وشا  نها جيهان,

هندستان كو مه‌زنترین بكرا نه‌فتێ یه‌ و روژانه‌ زێده‌تری دووملیون و حه‌فت هزار به‌رمیلانێن نه‌فتێ ژ ولاتێن كه‌نداڤی دكریت،  لێ ژبه‌ر گرتنا گه‌روپا هۆرمووز, ئه‌مه‌ريكا رێ ب چه‌ند ولاتان دا نه‌فتێ ژ رووسيا بكرن, د زووترين ده‌م دا کۆمپانیێن هیندستانێ بلەز ٣٠ ملیۆن بەرمیلێن نەفتێ ژ رووسیا کڕین. كو د نها دا بوهایێ نه‌فتا روسی گه‌هشتیه‌ ئاسته‌كی كو 8 دولاران زێده‌تری ژبوهایێ نه‌فتا برێنت دهێته‌ فرۆتن. له‌وما مفادارترین وه‌لات ژڤێ ره‌وشێ رووسیایه‌ و زه‌ره‌رمه‌ندترین وه‌لات ژی عێراقه‌.

 ئه‌ڤه‌یه‌ ئه‌وا دبێژن نه‌هامه‌تیێن ملله‌ته‌كی ژبۆ مللته‌كێ دی خێر و بێره‌.