گاڤ

چار وەلات دێ ل دۆر ناکۆکی و شەڕێ د ناڤبەرا ئسرائیل و ئەمریکا ل گەل ئیرانێ دا کۆمبن، پێشبینى بۆ وێ یەکێ ناچن شەڕ بهێتە راوەستاندن.

ل گۆرەیى تلەڤزیۆنا فەرمى یا پاکستانێ راگەهاند، دوشەمبێ وەزیرێن دەرڤە یێن چار وەلاتان پاکستان، تورکیا، مسر و سعوودیێ دێ ل دۆر ئارامکرنا شەڕى کۆمبن، د کۆمبوونێ دا دێ هێتە خواستن شەڕ و ئالۆزیێن ناڤبەرا ئەمریکا و ئسرائیل ل گەل ئیرانێ راوەستن.

پاکستان تاکە وەلاتە تا نوکە پشتەڤانییا خۆ بۆ پێشوازیکرن ل شاندێن ئەمریکى و ئیرانى راگەهاندى و هندەک وەلاتێن دى ژى پشتەڤان بووینە.

تا نوکە ب فەرمى ئیرانێ رانەگەهاندییە کو ئەو بەرهەڤە بچیتە دانوستاندنان لێ ل گۆڕەیى پێشبنییێن سەر ئەرد ئینانا هێزێ ژ ئالیێ ئەمریکا ڤە شەڕى نا راوەستینیت.