عادل باخەوان

د ناڤا دۆزەخا رۆژهەلاتا ناڤین دا، گەلەک ب کێمی و دەگمەن ئەکتەرەکێ سیاسی وەک نێچیرڤان بارزانی ب دەستدکەڤیت کو شیابیت د ئێک دەم دا ل گەل هەمی ئالییێن ناکۆک پرا پەیوەندییان ب پارێزیت و هەڤسەنگییێ د ناڤبەرا فریشتە و شەیتان، داڤید و گولیات، واشنتون و تەهرانێ دا رابگریت.

هێرشا ل سەر مالا سەرۆک نێچیرڤان بارزانی ب تنێ هێرشا ل سەر مالەکی نینە، بەلکو هێرشە ل سەر وێ نموونە و پارادیگا دپلۆماسی یە کو ل جهێ خراپکرنێ، پرا پەیوەندییان دروست دکەت.

ژ ئالییەکێ دی ڤە ئەڤ هێرشە مە دبەتە سەر وێ تێزا دویماهی چرکەیێن رۆژهەلاتا بەرێ 7ێ ئۆتۆبەرێ مە دنیاسی، د ڤێرژنێ نوی یێ رۆژهەلاتی دا، ئەوێن هێرشی مالا جەنابێ سەرۆکێ هەرێما کوردستانێ دا کری ب چ رەنگان جهێ وان ناکەت و دێ بۆ تەنەکا مێژووی هێنە هاڤێتن.