دو فرۆکەڤانێن ئەمریکی ل ئیرانێ هاتنە رزگارکرن
بەلاڤ بکە
گاڤ
نێزیکی حەفتییەکێ یە دو فرۆکەڤانێن ئەمریکی پشتی هێرشی فرۆکەیێن وان یێن F35 هاتییەکرن، ل ناڤا ئاخا ئیرانێ د بەرزە نە و ئەمریکا و ئیران لێدگەرن.
دۆنالد ترەمپ، سەرۆکێ ئەمریکا بەری دەمەکێ کێم د پەیامەکێ دا راگەهاند: ئەڤرۆ هێزەکا مەزن یا ئەمریکی ئۆپەراسیۆنا فرۆکەڤانی ل ئیرانێ دەستپێکر. فرۆکەڤانێ ئەمریکی ل چیایێن ئیرانێ یێ ئاسێ بوو و دوژمن لێ نێزیک ببوو، لێ شیاین ب سلامەتی رزگار بکەین.
هەروەسا نڤیسییە: فرۆکەڤان ئەفسەرەکێ پلەبلندە و یێ بریندارە، لێ دێ ب سلامەتی ڤەگەریت.
سەرۆکێ ئەمریکا دیار ژی کرییە: دوهی ژی مە فرۆکەڤانەکێ دی یێ ئەمریکی ل ناڤا ئاخا ئیرانێ رزگارکرییە، لێ داکو مەترسی نەکەڤیتە سەر ژیانا فرۆکەڤانێ مایی، مە نەراگەهاند.
ئێکەم جارە د مێژوویا ئەمریکا دا دو فرۆکەڤان ل دو جهێن جودا د ئێک دەم دا دهێنە رزگارکرن. پێدڤییە هەمی ئەمریکی ئێک رێز بن و شانازییێ پێ بکەن کو مە باشترین سۆپا هەیە.
هەردو ئۆپەراسیۆنا بێی کوشتن یان برینداربوونا چ سەربازێن ئەمریکی هاتنە ئەنجامدان، ژ بەرکو مە ئاسمانێ ئیرانێ ب تەمامی گرتییە.
